POP 5

Lajmet më të lexuara të 5 minutave të fundit

VIP & Spektakël

Elsa Lila rikthehet në Tiranë, me 1 nëntor mban koncertin e madh në kryeqytet

Një koncert madhështor, i titulluar “Finalmente, Elsa” do të bëjë bashkë në Pallatin e Kongreseve copëzat e një jete të jetuar sa afër dhe aq larg muzikës. Një rikthim në skenën e magjishme do të sjellë edhe njëherë këngëtaren e njohur Elsa Lila në mesin e publikut shqiptar.

Elsa Lila rikthehet në Tiranë, me 1 nëntor mban koncertin e madh në kryeqytet

Elsa Lila

Pas shumë vitesh shkëputjesh nga skena, këngëtarja e njohur Elsa Lila riktheu ashtu si dikur emocionet e muzikës së saj në një duet me Capital T. Por një duet nuk do të ishte mjaftueshëm për artisten e dashur për të gjithë.

“Finalmente, Elsa” do të titullohet koncerti që do të na sjellë, në 1 nëntor, në Pallatin e Kongreseve ajo vajza e “lotit”, pas së cilës një herë e një kohë u marros i madh e i vogël.

Këngëtarja që na bëri të ndjeheshim krenarë ndërsa prezantohej si e para shqiptare që ngjitej në skenën e Sanremos, artistja që na ka qetësuar mendjen e shpirtin me melodinë e zërit e të këngëve të saj e që na ka bërë të besojmë, deri edhe një vit më parë kur u rikthye në skenën e Festivalit të RTSH-së, se muzika e vërtetë mund të krijohet e të këndohet me mjeshtëri ende.

Mund ta themi pa pikë dyshimi se do të jetë spektakolar po aq sa dhe melodioz, ky koncert i Elsa Lilës që vazhdon të sfidojë çdo ditë veten dhe kohën, me atë që di të bëjë më mirë, që s’e tradhton kurrë e që e ka kultivuar edhe më fort me rrethin e artistëve, me të cilët bashkëpunon prej vitesh në Itali, që kanë zgjedhur të bëjnë muzikën që u përket, atyre e një pjesë të madhe të kësaj shoqërie.

Tani, po guxon të vijë, bashkë me ata, për këtë koncert të madh, në Tiranën e saj, aty ku nisi gjithçka e ku ka ndjerë çdo herë, në çdo kohë, dashurinë, që publiku ka për gjithë vlerat artistike që ajo vazhdon të përcjellë, përmes botëkuptimit, zërit e tingujve të saj. Që këtë herë do t’ua sjellë në një koncert live, në çdo tingull, nga fillimi deri në fund, që do të jetë i gjithi i saji, konceptuar me një program special muzikor.

Do të jetë ai koncerti, që si pa e ditur as vetë, e kemi pritur prej kohësh të ndodhë një ditë, këtu në Tiranë.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petrit: 15/09/2023 16:54

    Nuk mendoj qe do te beje koncert cilesor, ka repertor te vogel dhe mbi te gjitha me kengen e fundit te Festivalit, besoj qe ka lene shije te hillur.Gjithsesi pak muzike vetem mire ben.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31