Ema Andrea, anëtarja e re e jurisë në DWS

Sivjet juria e spektaklit “Dancing with the stars” do të ketë një anëtare të re. Bëhet fjalë për aktoren e njohur Ema Andrea, e cila do t’i bashkohet treshes, Ilir Shaqiri, Iva Tiço dhe Alfred Kaçinarit në këtë garë kërcimi, që në Shqipëri vjen për herë të katërt sjellë nga producentja Holta Dulaku.

“Dancing with the stars” rikthehet në “Vizion Plus” në fillim të tetorit dhe si pjesëmarrës po përfliten emrat e personazheve më të njohur shqiptarë.


Në qershor të vitit të kaluar, fituese u shpall këngëtarja Elvana Gjata, e cila bashkë me kupën arriti të fitojë një apartament luksoz në Tiranë.
Të shohim kush do ta rrëmbejë trofeun këtë herë, teksa enigmë mbeten edhe emrat e prezantuesve, pas largimit të Krastës në Agon Channel.

(J.H/shqiptarja.com)