Është për t’u habitur se si rastësia ndonjëherë sjell ngjarje dhe argumente kurioze afër njëra-tjetrës. Ndërsa disa prej nesh janë tepër të frikësuar dhe të irrituar se emigrantët që do të sillen nga Italia në kampin e Shëngjinit dhe të Gjadrit “do të ndotin” turizmin e sapolulëzuar shqiptar, apo “do të ndotin” racën tonë ariane, një majmun klandestin për më shumë se një muaj endet i lirë rrugëve të Saukut duke “terrorizuar” gjithashtu banorët.
Për emigrantët, të cilët shumica janë afrikanë që ëndërrojnë brigjet italiane dhe të Europës, disa bashkëatdhetarë janë të shqetësuar për ngjyrën e lëkurës së tyre, për agresivitetin që mund të shfaqin duke u arratisur nga qendrat mikëpritëse dhe, me siguri, për lëvizjen e lirë të emigrantëve nëpër Shëngjin e më gjerë. Është e pabesueshme se si një popull emigrantësh siç jemi ne, të vuajtur, të shpërfillur e të përbuzur jo rrallëherë në vende ku kemi kaluar, nxitojmë të jemi po aq diskriminues e dyshues për të tjerë emigrantë që ikin nga vende ku rrezikojnë dhe jetën. Kjo është e pashpjegueshme.
Ndërsa majmuni në Sauk duket se po pëson një fat të përshpejtuar në kohë dhe në hapsirë. Ai është në lëvizje të lirë dhe asnjë autoritet shqiptar nuk merr kompetencën të merret me të; sipas dëshmive të banorëve të alarmuar, policia e shtetit i është afruar, e ka parë, por është shprehur se nuk ka të drejtë ta ndalojë e të gjejë një zgjidhje për banorin e çuditshëm të Saukut; policia bashkiake gjithashtu është shprehur se nuk e ka kompetencën të merret me një majmun, ndërsa Ministria e Bujqësisë, gjithashtu nuk ka në kodet e saj të funksionimit kapitullin “se si mund të veprosh kur një majmun i paidentifikuar sillet rrotull shtëpive dhe rrugëve në Sauk”.
Është e qartë që kur një “e papritur” të vjen në derë, të zotët e shtëpisë duhet të marrin përgjegjësinë dhe dëshirën për ta zgjidhur atë. Kështu na kanë mësuar të parët tanë dhe kështu veprohet me këdo që troket apo “gjendet” qoftë edhe padëshirueshëm në prag.
Mungesa e marrjes së përgjegjësisë, mungesa e dëshirës dhe vullnetit për zgjidhjen e problemit, lënia e përgjegjësisë apo shpresa se “për të çuar bukën në kalanë e Rozafës do të jetë nusja e vëllait më të vogël”, sikur nuk janë karakteristikë e tipikut patriot të Shqipërisë. Emigrantët e Shëngjinit dhe majmuni pa padron në Sauk na kanë vënë në provë... zemërgjerësinë.
Lajme të tjera
-
Moti i keq/ Pezullohet lundrimi i peshkarexhave në Shëngjin! Bashkia Lezhë thirrje qytetarëve: Bëni kujdes, parashikohen reshje me intensitet
21 Nëntor, 09:39 -
Shëngjin/ Shkrumbohet nga flakët një makinë tek Rana e Hedhun, drejtuesi ishte brenda mjetit bashkë me dy vajzat! Arritën të dalin pa lëndime (VIDEO)
19 Nëntor, 16:40
-
Marrëveshja e emigrantëve Shqipëri-Itali, qendrat mbeten bosh, largohen 50 agjentët e parë! Do rimodelohet struktura
13 Nëntor, 07:51 -
Marrëveshja/ 7 emigrantët e vendosur në Shëngjin kthehen në mesnatë në Brindizi
12 Nëntor, 07:49 -
Gjyqtarët italianë bllokojnë sërish dërgimin e emigrantëve në Shqipëri! Qeveria e Melonit përplaset me ta, Salvini: Vendim politik! Sulmon opozita
11 Nëntor, 21:36 -
Marrëveshja/ Emigrantët që erdhën në Shëngjin kthehen sonte në Itali! Gjyqtarët e Romës çojnë çështjen në Gjykatën Europiane të Drejtësisë (VIDEO)
11 Nëntor, 17:47 -
Emigrantët që erdhën me anijen ‘Libra’ në Shëngjin: Kemi 4 ditë pa u larë
11 Nëntor, 13:40 -
Marrëveshja me Italinë/ Gjykata në Romë vendos nesër për emigrantët e strehuar në Gjadër
10 Nëntor, 14:57 -
Marrëveshja e emigrantëve/ Tre deputetë të opozitës italiane vizitojnë Gjadrin: Qeveria Meloni po shpërdoron taksat, këtu duket si burg
9 Nëntor, 13:56 -
Marrëveshja me Italinë/ Anija ‘Libra’ solli në Shëngjin 8 emigrantë, 2 kthehen në Itali, 6 në kampin e Gjadrit
8 Nëntor, 18:37
-
‘Riaktivizohet’ marrëveshja me Italinë, anija ‘Libra’ sjell në Shëngjin 8 emigrantë të tjerë (VIDEO)
8 Nëntor, 07:15
-
Programi i Trump: Më pak taksa, më shumë kërkime për naftë dhe deportime masive të emigrantëve 'për një Amerikë të fortë, të begatë dhe të sigurt'
6 Nëntor, 14:39
