POP 5

Lajmet më të lexuara të 5 minutave të fundit

Sport

Ëndrra Euro 2024! Shqipëria pret sot në ‘Air Albania’ Poloninë, Sylvinho në dilemë për titullarët! Trajneri 'skicon' formacionin

Kombëtarja shqiptare e futbollit do të presë sot në 20:45 Poloninë në “Air Albania”, sfidë kjo e vlefshme për kualifikueset e Europianit “Gjermani 2024” në Grupin E.

Ëndrra Euro 2024! Shqipëria pret sot në ‘Air Albania’ Poloninë, Sylvinho në dilemë për titullarët! Trajneri 'skicon' formacionin

Kombëtarja shqiptare duke u stërvitur në fushë

Kombëtarja shqiptare e futbollit do të presë sot në 20:45 Poloninë në “Air Albania”, sfidë kjo e vlefshme për kualifikueset e Europianit “Gjermani 2024” në Grupin E. Pas barazimit 1-1 kundër Çekisë në Pragë, entuziazmi te kuqezinjtë është shtuar, teksa tanët mbajnë vendin e dytë në grup (7 pikë), duke lënë pas Poloninë dhe qëndrojnë një pikë më pak se çekët kryesues.

Ndeshja e sotme është e rëndësishme për kombëtaren shqiptare, pasi kuqezinjtë e drejtuar nga Silvinjo do të kërkojnë që të përsërisin historinë e 8 viteve më parë, kur Kombëtarja arriti të kualifikohej në Europianin “Francë 2016”.  Dueli është deçiziv për fatet e kualifikimit, me "Shqiponjat" kuqezi që kanë në dorë kalimin ose jo në fazën finale të "Gjermani 2024", paçka se pas Polonisë luhen edhe tre ndeshje të tjera.

Pritet një sfidë e vështirë, pasi përballë kombëtares do të jetë Polonia e Levandovskit, të cilën Shqipëria e ka mundur vetëm një herë. Dy skuadrat janë përballur 14 herë në histori, teksa Shqipëria ka marrë vetëm një fitore, ka barazuar tre herë dhe ka humbur dhjetë herë me Poloninë.

Në këtë përballje duhet shmangur humbja. Trajneri brazilian Sylvinho duket se ka sërish dilema, duke nisur që nga mbrojtja, aty ku Hysaj nuk bindi në Çeki. Në balotazh edhe Seferi me Uzunin, ndërsa mesi i fushës duket se nuk do ndryshohet. Gjithsesi trajneri na ka mësuar me surpriza. Kujtojmë se Qazim Laçi është larguar nga grumbullimi për shkak të gjendjes gripale.

Dueli në "Air Albania" pritet të jetë i zjarrtë, me Federatën Shqiptare të Futbollit që ka marrë masa për këtë duel. Duke qenë se biletat janë shitur rreth një muaj më parë dhe në stadium priten 21 mijë tifozë, organi i futbollit kërkon që mos ketë sende të forta në fushë, çka mund të sjellë pezullimin e ndeshjes apo dënimin me gjobë nga UEFA.

Formacioni i mundshëm i Shqipërisë:

Shqipëria (4-3-3): Berisha; Hysaj (Balliu), Ismajli, Gjimshiti, Mitaj; Ramadani, Asllani, Bajrami; Asani, Seferi (Uzuni), Cikalleshi Trajner: Sylvinho

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Manchester City buzë 'greminës', Guardiola: Do mbijetojmë, PSG ishte më mirë se ne

Manchester City buzë 'greminës', Guardiola: Do mbijetojmë, PSG ishte më mirë se ne

23 Janar, 10:37