POP 5

Lajmet më të lexuara të 5 minutave të fundit

Politikë

Sociale

Erdogan më 10 tetor në Tiranë, inauguron xhaminë e Namazgjasë! Do e drejtojë imam turk! Takim dhe me Ramën e Begajn

Për vizitën zyrtare që presidenti turk, Erdogan do të zhvillojë të enjten e 10 tetorit, çdo gjë është bërë gati. Xhamia në qendër të kryeqytetit, e konsideruar si më e madhja në Ballkan, është veshur me flamujt e Turqisë dhe Shqipërisë, e pas inaugurimit do të jetë e hapur për të gjithë besimtarët myslimanë.

Përplasja që la xhaminë e Namazagjasë pa një drejtues do të marrë fund, pas shumë kohësh që kjo xhami edhe pse tërësisht e përfunduar nuk priste asnjë besimtar mysliman.

Presidenti i Turqisë, Rexhep Taip Erdogan, do të inaugurojë të enjten këtë xhami që i ka kushtuar qeverisë turke 30 mln euro, duke i besuar drejtimin e saj, jo Komunitetit Mysliman Shqiptar, drejtuesin e të cilit e quan gylenist, por një imami turk.

Madje sipas njoftimit të KMSH, thuhet se në ceremoni nuk do të jetë i pranishëm kreu i Komitetit Mysliman Bujar Spahiu, por vetëm Myftiu i Tiranës, Gazment Teqja, i cili do të jetë edhe kreu i bordit të fondacionit të përbashkët, që do të administrojë Xhaminë e Namazgjasë më tej.

Për vizitën zyrtare që presidenti turk, Erdogan do të zhvillojë të enjten e 10 tetorit, çdo gjë është bërë gati.

Xhamia në qendër të kryeqytetit, e konsideruar si më e madhja në Ballkan, është veshur me flamujt e Turqisë dhe Shqipërisë, e pas inaugurimit do të jetë e hapur për të gjithë besimtarët myslimanë.

Drejtimin e xhamisë, në të cilën 10.000 besimtarë do të mund të falin namazin në të njëjtën kohë, e që puna nisi që në vitin 2015-të, do ta marrë imami turk Enes Bastur, i cili vetë ka njoftuar lajmim përmes një postimi në rrjetet sociale.

Ndonëse kjo xhami duhet të hapte dyert për besimtarët dhe të thirret ezani i parë që në vitin 2018, tre vite pas nisjes së punimeve, nuk u realizua për shkak të përplasjeve mes komunitetit mysliman në Turqi dhe atij në Shqipëri, të akuzuar si gylenistë, kundërshtarët më të fortë të Erdogan, të cilët ky i fundit i ka akuzuar edhe për grusht shteti në 2016-ën.

Gjatë vizitës së tij zyrtare, Presidenti i Turqisë do të qëndrojë vetëm disa orë në Tiranë, ku veçohet inaugurimi i xhamisë, do të zhvillojë një takim kokë më kokë me kryeministrin Rama, e më pas një konferencë për mediat. Një takim Presidenti Erdogan e ka planifikuar edhe me homologun e tij, Presidentin Bajram Begaj.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bom: 09/10/2024 07:41

    A nuk kishte imam shqiptar a...

    Përgjigju
  • Iris: 09/10/2024 02:59

    Sulltani i Stambollit kerkon me dhelperi te largoje besimtaret muslymane nga KMSH,prandaj e vuri xhamine nen myftiun e Tiranes se bashku me ate importin turk.Tani te gjithe do dynden si delet te xhamia e Namazgjase per festat kryesore duke demtuar arken e KMSH.Dhe keshtu maskarai trazon ujerat e ngateron e percan besimtaret duke u futur e u ngjitur si pyke, me xhami te re,por me enderra te vjetra 500 vjecare!

    Përgjigju
  • nari: 08/10/2024 22:27

    ore rolex kam por mbas spitalit ne fier edhe imami turk ne namasgjasit vetem ADN zgjidh pune

    Përgjigju
  • Hahaha: 08/10/2024 21:48

    Mos se na merziten pellazget

    Përgjigju
  • Antishqiptari: 08/10/2024 19:32

    Vazhdoni e shisni vendin ne grek e ne turk ne amerikane e italian se hajrin kemi per tjua pare te huajve do vojne dhe cifutet pastaj do katandisemi si Palestineset qe po i debojne nga vendi i tyre

    Përgjigju
  • Hajmel: 08/10/2024 19:13

    Prep Turqia 500 vjet edhe ne dit te sodit nuk na dahet!!

    Përgjigju
    • Topiajt: 08/10/2024 21:54

      Lexoje mire historine, dhe jo perralla komuniste

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tabaku: Politikat e qeverisë po shkatërrojnë bujqësinë shqiptare

Tabaku: Politikat e qeverisë po shkatërrojnë bujqësinë shqiptare

26 Janar, 10:24