Erjona, infermierja shqiptare që kërkoi sa më shpejt nënshtetësisë italiane: Tani dua t'i jap unë diçka Italisë

Ajo quhet Erjona Preka, shqiptare 25 vjeçe. Më 7 Prill Erjona u diplomua në Shkencat e Infermierisë dhe më 20 maj do duhet të marrë nënshtetësinë italiane nga kryetari i Bashkisë, Gianni Fogliato.

"Shumë vonë" ajo tha me vete: virusi nuk pret, as të sëmurët nuk presin, kolegët janë në telashe. Kështu që ajo i shkruajti ‘qytetarit të parë’ të Bra dhe i kërkoi që të afronte datën e ceremonisë në mënyrë që të përshpejtohej regjistrimi i emrit të saj në Regjistrin e infermierëve dhe menjëherë të fillonte punën.

"Pas mbrotjes së diplomës në infermieri, verifikova që procedurat për regjistrimin në Regjistër do të ishin më të shpejta nëse do të kisha nënshtetësinë - thotë Erjona -. Unë kam jetuar në Bra për njëzet vjet: kërkesa ime për të përshpejtua dorëzimin u pranua, kjo ndodhi një ditë më parë, pikërisht dje ".

Ceremonia u zhvillua në një nga ambientet e Bashkisë. Kryebashkiaku Fogliato dhe një zyrtar nga njëra anë e ndarë me pleksiglase, dhe nga ana tjetër Erjona.

Infermierja e re shqiptare thotë se “Edhe në këto kushte, ishte vërtet emocionuese. Falënderoj Italinë që më dha aq shumë, tani dua të jap unë asaj diçka. ”

Sapo Erjona të marrë dokumentin e nënshtetësisë ajo do të përfundojë regjistrimin në Regjistërin e Shoqatës së Infermierëve dhe do të jetë në gjendje të fillojë punë  si infermiere. "Tashmë kam marrë oferta, të cilat po i vlerësoj," përfundon ajo

TAG:
• Koronavirus
• covid
• Erjona Preka
• Gianni Fogliato