POP 5

Lajmet më të lexuara të 5 minutave të fundit

Kronikë

Erozioni detar po zhduk Kunen në Shëngjin, banorët: Brenda pak vitesh do përmbytet, s'do ekzistojë më

Deti po përparon drejt tokës, duke rrezikuar ekzistencën e bregdetit të Kunes në Shëngjin. Shirat e fundit rrëzuan pishat dhjetëra vjeçare, ndërsa sipërfaqja e bregut zvogëlohet çdo ditë. Shqetësimit të banorëve u bashkohet edhe Agjencia e Zonave të Mbrojtura, e cila pret që zgjidhja të vijë nga Qeveria.

SHËNGJIN - Kjo është situata e krijuar në zonën e Kunes në Shëngjin pas stuhisë së fundit të shiut e erës. Pishat dhjetëra vjeçare janë rrezuar nga erozioni detar.

Më shumë se 30 metra breg ranor është përpirë nga deti gjatë viteve të fundit.  Një nga banorët e zonës shprehet me shqetësim se nuk do të jetë e largët dita kur bregdeti i Kunes të mos ekzistojë.

"Kjo është një sëmundje që nuk po kurohet, pra që nuk po ndërhyhet nga shteti, këtu për pak vite do shkatërrohet gjithçka edhe kjo rrugë do të përmbytet. Qysh në '92 e këtej janë mbi 30 metra që deti ka hyrë në tokë. Italia merr gurë në Kroaci, ndërsa ne kemi i gurët këtu por nuk bëhen prita", u shpreh Prek Nika, banor i Kunes

Edhe Agjencia Kombëtare  Zonave të Mbrojtura në Lezhe flet me shqetësim, por duket se nuk ka asnjë instrument për të ndërhyrë, ndaj i bashkohen apelit qytetar, duke kërkuar zgjidhje nga Qeveria.

"Erozioni detar paraqet emergjence në Kune. Deti po hyn gjithnjë e më shumë duke marrë sipërfaqe toke. kërkojmë ndërhyrje, e kemi ngritur shqetësimin tek organet kompetente", tha për Report Tv Besiona Simoni, specialiste AKZM

Avancimi i detit në këtë lagunë përllogaritet mesatarisht në 2,5 m në vit, ndër shkaqet kryesore janë bllokimi i aluvioneve që vijnë nga lumi Drin, mospërdorimi i tokës bujqësore si dhe ndryshimet klimatike.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BENI: 24/10/2020 18:07

    VENDOSNI BLLOQE BETONI OSE GURE TE MEDHENJ NGA 0.5 --1M,,,VETEM GURET DHE BETONET E NDALOJNE GERRYEJTJEN E TOKES NGA DETI....DH PRAPA TYRE TE MBILLEN PEME....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15