POP 5

Lajmet më të lexuara të 5 minutave të fundit

Bota

Etiopia i kërkon Britanisë ‘thesarët’ e grabitur 150 vjet më parë

Etiopia bën thirrje për kthimin e objekteve të vlefshme të plaçkitura nga forcat britanike 150 vjet më parë. Thesaret e Afrikës Lindore janë aktualisht në shfaqje në Muzeun “Viktoria dhe Albert” në Londër.
Etiopia i kërkon Britanisë ‘thesarët’ e grabitur 150 vjet më parë

Thesari i Etiopisë i marrë nga forcat britanike në vitin 1868

Etiopia bën thirrje për kthimin e objekteve të vlefshme të plaçkitura nga forcat britanike 150 vjet më parë. Thesaret e Afrikës Lindore janë aktualisht në shfaqje në Muzeun “Viktoria dhe Albert” në Londër.

Vendi ka kërkuar që të gjitha antikitetet e plaçkitura të kthehen në Etiopi në baza të përhershme, duke refuzuar një ofertë të një huazimi afatgjatë nga Muzeu V & A në Londër.

Ndër thesaret e çmuara është edhe një kurorë ari dhe një kupë e kapur nga forcat britanike gjatë betejës së Maqdala në vitin 1868, pasi trupat e plaçkitën fortesën e perandorit Tewodros II. Artikujt u shitën për të mbledhur para për ushtrinë britanike dhe u shfaqën për herë të parë në 1872.

V & A njoftoi në shkurt se po organizonte një ekspozitë me thesarin e plaçkitur. Addis Abeba kërkoi për herë të parë artefaktet në vitin 2007, sipas ministrit etiopian të Kulturës dhe Turizmit Hirut Woldemariam.
 


(Thesari i Etiopisë i marrë nga forcat britanike në vitin 1868)

Tristram Hunt, drejtor i Muzeut Victoria dhe Albert (V & A), thotë se ekspozita u organizua në konsultim me komunitetin etiopian në Londër dhe mbetet “i përkushtuar për të vazhduar dialogun e rëndësishëm dhe të gjerë me kolegët e Ambasadës etiopiane në Londër”.

Gazetari britanik Jon Gaunt vuri në dukje Irakun dhe Sirinë, ku antikitetet janë plaçkitur nga ISIS, duke sugjeruar se vende të paqëndrueshme si Etiopia nuk mund të ngarkohen me ruajtjen e thesareve të tyre.

Ky argument u kundërshtua nga komentuesi politik etiopian Awol Allo, duke e hedhur atë si “mospërfillës” dhe një “tregim kolonial”. Allo tha se njerëzit duhet të vizitojnë Etiopinë dhe të shohin thesaret kombëtare atje.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze