Europa e 'pushtuar' nga zjarret! Në Turqi shkon në 6 numri i viktimave! Evakuohen 4 fshatra në Greqi! Flakët jashtë kontrollit në Catania të Italisë, 170 persona shpëtohen nga deti

Turqia, Greqia dhe Italia janë në gjendje alarmante për shkak të zjarreve që kanë përfshirë hapësira të tëra, duke djegur gjithçka gjejnë përpara. Në Turqi numri i viktimave ka shkuar në 6, si pasojë e zjarreve të mëdha që kanë goditur zonat pyjore në jug të vendit, në 8 rajone.

4,000 zjarrfikës, të mbështetur nga helikopterë dhe aeroplanë, janë vënë në gatishmëri dhe po luftojnë me flakët, ndërsa në pamjet e publikuara nga mediat e huaja, situata duket mjaft kritike. Zjarret kanë përfshirë zonat si Manavgat, Alanya, Adana, Mersin, Bodrum dhe Marmaris, ndërkohë që  aeroplanë rusë të zjarrfikësve kanë mbërritur dhe janë përfshirë në përpjekjet për të shuar zjarret.

Në situatë alarmante ndodhet edhe Greqia, ku zjarret po i afrohen shtëpive, ndërsa janë evakuuar 4 fshatra, Ziria, Ano Ziria, Lampiri dhe Kamares. Në dispozicion të banorëve janë vendosur dhjetëra autobusë, që po transportojnë për në Patras banorët të cilët nuk disponojnë një automjet privat. 34 zjarrfikës janë mobilizuar me 11 automjete , ndërsa pesë avionë dhe dy helikopterë po hedhin ujë nga ajri.

Në Catania të Italisë banorët u detyruan të braktisin shtëpitë e djegura, ndërsa 170 njerëz të bllokuar nga zjarret, u shpëtuan nga anijet detare, pasi u futën në ujë për t'ju shmangur flakëve. Ata u ndihmuan fillimisht nga rojet bregdetare me gomone, më pas u transportuan me anije patrullimi. Një zjarr i madh ka përfshirë periferinë e Catania-s, duke e shndërruar zonën në një 'ferr' mbi tokë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit