Europa League është në raundin e 1/8 me ndeshjet e para. Kjo e enjte sportive filloi në 18:45, aty ku u shënuan "lumë golash". Te fitorja dolën Roma dhe Liverpool që bindën. Barazim 2-2 për Leverkusen, që vetëm në shtesë shmangu humbjen e parë sezonale me golin e Patrick Schick. Triumf edhe për Milanin 4-2 në Itali kundër Slavias së Pragës.
Në "Olimpico" Roma mundi 4-0 Brighton dhe duket se janë me një këmbë në çerekfinale. Për italianët Dybala dhe Lukaku u kujdesën të shënonin në pjesën e parë, para se Mancini dhe Cristante të "vulosnin" duelin. Javën që vjen Roma udhëton në Londër me katër gola avantazh dhe kalimi më tej është thuajse i sigurt.
Në Çeki, Sparta e Pragës u duk e vogël përballë kryesuesve të Premier League. Liverpool fitoi 1-5 kundër vendasve të Qazim Laçit dhe Indrit Tucit. Të dy shqiptarët morën minuta në pjesën e dytë. McAllister hapi rrugën e suksesit për të kuqtë në minutën e gjashtë, para se Nunez të shënonte dopietë në pjesën e parë. Më pas Luiz Diaz dhe Szoboszlai shënuan në fraksionin e dytë. Për miqtë autogoli i Bradley ishte "flamuri" i sfidës. Njëjtë si Roma, edhe Liverpool duket me një këmbë në çerekfinale.
Në Baku të Azerbajxhanit, Qarabag barazoi 2-2 me Bayer Leverkusen. Benzia dhe Juninho shënuan për vendasit në pjesën e parë, teksa djemtë e Xabi Alonsos barazuan me Uirtz dhe Schick. Sulmuesi çek gjeti rrjetën vetëm në shtesën e dytë duke bërë që kryesuesit e Bundesligës të shmangnin humbjen e parë sezonale.
Në "San Siro" Milani fitoi 4-2 kundër Slavias së Pragës. Kuqezinjtë përfituan në minutën e 26-të nga dalja me të kuqe e Diouf, me çekët që mbetën me një lojtar më pak. Duhej Giroud në të 34 minutë për të zhbllokuar gjithçka, teksa miqtë barazuan vetëm dy minuta më vonë me Doudera. Fundi i së parës ishte "zjarr" për djemtë e Piolit që shënuan me Reijnders dhe Loftus-Cheek për 3-1. Në pjesën e dytë ishte Schranz që shkurtoi shifrat për momentin, para se Leao të shënonte golin e katërt për Milanin. Të enjten që vjen kuqezinjtë udhëtojnë për në Pragë me një rezultat më shumë se të favorshëm dhe janë pranë fazës çerekfinale.
Europa League, faza 1/8 - ndeshjet e para:
18:45
Roma 4-0 Brighton
Qarabag 2-2 Bayer Leverkusen
Sparta Pragës 1-5 Liverpool
21:00
Milan 4-2 Slavia e Pragës
Benfica 2-2 Rangers
Freiburg 1-0 Uest Ham
Marseille 4-0 Villarreal
*ndeshjet e kthimit zhvillohen më 14 mars.
Në "San Siro" Milani fitoi 4-2 kundër Slavias së Pragës në ndeshjen e parë për 1/8 e Europa League. Kuqezinjtë përfituan në minutën e 26-të nga dalja me të kuqe e Diouf, me çekët që mbetën me një lojtar më pak. Duhej Giroud në të 34 minutë për të zhbllokuar gjithçka, teksa miqtë barazuan vetëm dy minuta më vonë me Doudera. Fundi i së parës ishte "zjarr" për djemtë e Piolit që shënuan me Reijnders dhe Loftus-Cheek për 3-1. Në pjesën e dytë ishte Schranz që shkurtoi shifrat për momentin, para se Leao të shënonte golin e katërt për Milanin. Të enjten që vjen kuqezinjtë udhëtojnë për në Pragë me një rezultat më shumë se të favorshëm dhe janë pranë fazës çerekfinale.
Lajme të tjera
-
Pritet shkarkimi nga Milani! Stefano Pioli s'humbet kohë, gjen ekipin e ri në Serie A
26 Prill, 13:21 -
VIDEO/ 17 minuta të çuditshme, Roma fiton 1-2 kundër Udineses! Debutim i hidhur për Cannavaron
26 Prill, 09:54 -
GOLAT/ Everton mposht Liverpoolin pas 14 vitesh, Man. United fiton në shtëpi! Tri pikë për Palace dhe Bournemouth
25 Prill, 09:51 -
Olivier Giroud largohet nga Milani, do jetë ylli i ri i MLS
24 Prill, 16:30 -
Liverpool gjen pasuesin e Klopp, nis bisedimet me Arne Slot
24 Prill, 12:50 -
VIDEO/ Bologna leksion Romës, e mund 1-3 në 'Olimpico' dhe tremb Juventusin! Motta: Krenar për këtë ekip
23 Prill, 12:54 -
Milan do shkarkojë Stefano Piolin
23 Prill, 10:06 -
Zyrtare/ Interi kampion i Italisë për herë të 20-të në histori, mposht 1-2 Milanin dhe feston në derbi për herë të 6 radhazi
22 Prill, 22:35 -
Sonte derbi i titullit, Inter për yllin e dytë dhe Milani për të shpëtuar nderin! Tifozët zikaltër ndezin 'Apianon'
22 Prill, 12:37 -
VIDEO/ Leverkusen shënon në minutën e fundit, barazon 1-1 në Dortmund dhe mbetet i pamposhtur
21 Prill, 20:03 -
VIDEO/ Armando Broja në stol, Liverpool fiton 1-3 ndaj Fulham dhe kërcënon Cityn! Tri pikë për Everton, Palace dhe Villan
21 Prill, 19:50 -
Derbi i Madoninës vendos titullin në Serie A, Pioli: Tifozët le të më kritikojnë! Inzaghi: Dominuam sezonin
21 Prill, 17:31
