POP 5

Lajmet më të lexuara të 5 minutave të fundit

Kultura

Europa Nostra liston “Muret e Portës” në Porto Romano mes 11 monumenteve të rrezikuara

Europa Nostra ‘ka ngritur flamurin e kuq’ sa i përket Mureve të Portës në Porto Romano. Organizata Prestigjioze Europiane e Trashëgimisë Kulturore e ka renditur mes 11 monumenteve në rrezik.

Durrës- “Muret e Portës” në Porto Romano në Durrës është përfshirë mes 11 monumenteve më të rrezikuara në Europë nga organizata Europa Nostra. Zëri i Shoqërisë Civile për Mbrojtjen e Trashëgimisë në Europë ka arritur në këtë konkluzion pas analizës së ekspertëve për gjendjen e Monumentit Arkeologjik të kategorisë së parë, por edhe duke i dhënë prioritet për shkak të rëndësisë që ka për trashëgiminë e vendit.

Mes Mureve të Portës, janë edhe monumente të tjera Evropiane si Sinagoga e Sienës në Itali, Pallati Steinort në Poloni apo Porta e Hekurt në Turqi. Europa Nostra që konsiderohet si përfaqësia europiane e organizatave qytetare, veçmas për Bashkimin Europian dhe UNESCO-n ka qenë aktive më herët edhe për të ndërgjegjësuar mbi trashëgiminë shqiptare në rrezik.  

Ka ndjekur nga afër punimet në Amfiteatrin Romak të Durrësit, qendrat historike të Beratit dhe Gjirokastrës, të listuara si trashëgimi botërore nga UNESCO, apo kishat post-bizantine në Voskopojë e Vithkuq të cilat njësoj si Teatri Kombëtar i listoi në “7 objektet e rrezikuara”.

Monumenti Muret e Portës konsiderohet se i përket shekullit të V-të para erës sonë. Ndonëse ka pasur ndërhyrje restauruese në të, aktivistët kanë ngritur zërin për dëmet e rënda të shkaktuara mureve antikë nga punime përqark saj.

S.G/S.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça