Kompania e sigurimeve Eurosig-Insig dhe UBA Bank dhuron një shumë prej 10 mijë dollarësh, si solidarizim për familjen e ‘Dëshmorit të Atdheut’, Arjan Sala, i cili sakrifikoi jetën si pasojë e zjarrit të rënë në magazinën e qendrës tregtare Caza Italia, për të shpëtuar kolegët e tij. Duke ndarë dhimbjen me familjarët e të ndjerit, presidenti i grupit Eurosig-Insig dhe UBA BANK, Kadri Morina tha se akti i shefit të security ishte heroik, sublim dhe një shembull për të gjithë.
“Akti i shefit të Security në zjarrin e rënë tek Casa Italia ishte një akt heroik, sublim dhe i pashembullt, mund të themi në dekada. Arjan Sala ishte ai që shpëtoi 22 jetë njerëzish duke sakrifikuar jetën e tij dhe nuk hyri mes flakëve për familjarët e tij, por ai hyri për kolegët e punës, duke i shpëtuar ata. Jo vetëm kaq, por ai shpëtoi 22 jetë njerëzisht duke mbrojtur edhe 22 familje pas tyre, të cilët përpos fatkeqësive dhe ngushëllimeve që mund të kishin, mund do të përballeshin më pas edhe me pasoja ekonomike. Kështu që, në vetvete ky njeri u kthye në një policë sigurimi jete për 22 punonjësit e tij, ndaj edhe Grupi Eurosig-Insig e UBA Bank i akordojnë familjarëve të Arjan Salës shumën prej 10,000 dollarësh në ndihmë të djalit dhe familjes së tij” tha President i Eurosig-Insig dhe UBA Bank, Kadri Morina.
Morina i bëri thirrje edhe qeverisë që sapo të jetë e mundur që të miratohet ligji i sigurimeve të detyrueshëme për jetën dhe pronën ndaj fatkeqësive natyrore, siç janë tërmetet, përmbytjet dhe zjarri, ku vetëm 3 muajt e fundit kemi patur mbi 20 raste, disa dhe me viktima.
“Ndaj unë i bëj thirrje qeverisë së sotme edhe të nesërmes: Tashmë është domosdoshmëri që sa më shpejt të jetë e mundur Parlamenti i ri duhet të miratojë ligjin e detyrueshëm ndaj fatkeqësive natyrore, siç janë zjarri, përmbytjet dhe tërmetet, ku vetëm 3 muajt e fundit kemi pasur mbi 20 raste zjarri në Shqipëri dhe mbi 5 viktima. Nëse do të kalkulojmë kostot e dëmeve të këtyre banesave dhe bizneseve, ato kalojnë shifrën e 1 milion eurove. Ndërsa për shtresat në pamundësi ekonomike, unë propozoj që sigurimi i detyrueshëm i pronës të subvencionohet nga shteti. Nëse do të ishin të siguruara, të gjitha kostot e dëmeve do të paguheshin menjëherë nga kompania e sigurimeve. Gjithashtu duhet të sigurohen edhe jetët e punonjësve të Security dhe të gjitha punonjësit e Policisë së Shtetit, pasi ata janë gjithnjë të rrezikuar në përballje me kriminelë dhe të paktën familjet e tyre do të marrin një dëmshpërblim ekonomik”, u shpreh Morina.
Shuma prej 10 mijë dollarësh do ti akordohet familjarve të Salës ditën e enjte.
Fjala e plote e presidentit te Eurosig-Insig dhe UBA Bank Kadri Morina:
“Akti i shefit të Security në zjarrin e rënë tek Casa Italia ishte një akt heroik, sublim dhe i pashembullt, mund të themi në dekada. Arjan Sala ishte ai që shpëtoi 22 jetë njerëzish duke sakrifikuar jetën e tij dhe nuk hyri mes flakëve për familjarët e tij, por ai hyri për kolegët e punës, duke i shpëtuar ata. Jo vetëm kaq, por ai shpëtoi 22 jetë njerëzisht duke mbrojtur edhe 22 familje pas tyre, të cilët përpos fatkeqësive dhe ngushëllimeve që mund të kishin, mund do të përballeshin më pas edhe me pasoja ekonomike. Kështu që, në vetvete ky njeri u kthye në një policë sigurimi jete për 22 punonjësit e tij, ndaj edhe Grupi Eurosig-Insig e UBA Bank i akordojnë familjarëve të Arjan Salës shumën prej 10,000 dollarësh në ndihmë të djalit dhe familjes së tij. Ndaj unë i bëj thirrje qeverisë së sotme edhe të nesërmes: Tashmë është domosdoshmëri që sa më shpejt të jetë e mundur Parlamenti i ri duhet të miratojë ligjin e detyrueshëm ndaj fatkeqësive natyrore, siç janë zjarri, përmbytjet dhe tërmetet, ku vetëm 3 muajt e fundit kemi patur mbi 20 raste zjarri në Shqipëri dhe mbi 5 viktima. Nëse do të kalkulojmë kostot e dëmeve të këtyre banesave dhe bizneseve, ato kalojnë shifrën e 1 milion eurove. Ndërsa për shtresat në pamundësi ekonomike, unë propozoj që sigurimi i detyrueshëm i pronës të subvencionohet nga shteti. Nëse do të ishin të siguruara, të gjitha kostot e dëmeve do të paguheshin menjëherë nga kompania e sigurimeve. Gjithashtu duhet të sigurohen edhe jetët e punonjësve të Security dhe të gjitha punonjësit e Policisë së Shtetit, pasi ata janë gjithnjë të rrezikuar në përballje me kriminelë dhe të paktën familjet e tyre do të marrin një dëmshpërblim ekonomik.
Është për t’u përgëzuar aprovimi i ligjit të TPL-së dhe nisma për ndryshimin e Kodit Rrugor që pritet të aprovohet së shpejti. Gjithashtu kohët e fundit është vënë re një shtim i dukshëm i aksidenteve rrugore. Besoj që kjo vjen edhe si pasojë e amortizimit të rrugëve, por nuk është vetem kaq sepse ka papërgjegjshmëri edhe nga drejtuesit e automjeteve. Lidhur me këtë, ligji i sigurimeve motorike që kaloi Parlamenti shqiptar është një vlerë e shtuar, ku u rrit limiti i përgjegjësisë pothuajse mbi 60 % i dëmshpërblimeve për secilën figure dëmi, siç janë ai biologjik, moral apo ekzistencial. Gjithashtu ligji qartësoi mënyrën e përllogaritjes sipas direktivave të Bashkimit Europian, duke shmangur sa më shumë abuzimet që bëjnë avokatët apo gjyqtarët e pandershëm. Mirëpresim Parlamentin shqiptar edhe për miratimin e Kodit Rrugor. Gjithashtu do të jetë një parandaluesë që u shërben drejtuesve të automjeteve për eliminimin e aksidenteve”.
Lajme të tjera
-
'3 ushtarakë, 3 mjekë dhe i riu Arjan Sala', kush janë 11 fëmijët e 7 heronjve që shteti i mori në përkujdesje (EMRAT)
4 Maj 2022, 16:56
-
Prindërit e tyre humbën jetën në krye të detyrës, 11 fëmijë marrin statusin e përkujdesjes së Republikës! Rama: Plotësuam amanetin! Ministrja: Ja se çfarë përfitojnë nga ky status
4 Maj 2022, 10:45 -
Del ekspertiza, shkak i zjarrit që i mori jetën Arian Salës shkëndija në neon, rrjeti elektrik jo në standartet e duhura! 200 mijë lekë gjobë pronarëve të 'Casa Italias’
30 Prill 2021, 15:00
-
Humbi jetën mes flakëve duke shpëtuar kolegët, rruga në kryeqytet do mbajë emrin e heroit ‘Arjan Sala’! Veliaj-familjarëve: Gjesti i tij, frymëzim për çdo të ri shqiptar
16 Prill 2021, 15:18 -
Meta vlerëson heroin Arjan Sala (pas vdekjes) me 'Dekoratën e Artë të Shqiponjës'
13 Prill 2021, 16:28 -
Veliaj: Falim 988 gjoba për familjet që filluan të ndërtojnë pa leje pas dëmtimit nga tërmeti! Heqim për 6 muaj tarifën e hapësirës publike për bizneset e vogla
6 Prill 2021, 16:09 -
Humbi jetën pas zjarrit që shpërtheu në një magazinë në Tiranë, hapet një pus uji në Indonezi me emrin e ‘dëshmorit të atdheut’, Arjan Sala
5 Prill 2021, 12:18 -
Report Tv siguron videon, momenti i fundit kur Arjan Sala vrapon për të shuar zjarrin dhe shpëtuar kolegët, por nuk del më nga magazina
29 Mars 2021, 22:53 -
Vdiq si hero, pas shpalljes 'Dëshmor i Atdheut', Qeveria akordon 1 mln lekë familjes së Arjan Salës
29 Mars 2021, 20:20 -
Zjarri në magazinën e qendrës tregtare, momenti kur 'Dëshmori i Atdheut' Arjan Sala vrapon për të shpëtuar kolegët
29 Mars 2021, 12:34 -
Shpëtoi mbi 20 kolegë mes flakëve, Rama i dorëzon familjes titullin 'Dëshmor i Atdheut' për Arjan Salën: Detyra jonë ta respektojmë, ka bërë heroizëm të rrallë
29 Mars 2021, 10:30 -
Sfida Shqipëri-Angli, futbollistët nderojnë Arjan Salën: Heroi i heshtur mes nesh
28 Mars 2021, 17:52
