POP 5

Lajmet më të lexuara të 5 minutave të fundit

Ekonomi

Eurostat: Shqipëria mes 10 shteteve me inflacionin më të lartë në BE

Jetesa në Shqipëri po shtrenjtohet më shumë se në vendet e BE, raporton EUROSTAT. Sipas zyrës statistikore të Bashkimit Evropian, në janar 2024 inflacioni në Shqipëri ishte 3.8% ndërkohë që mesatarja e BE ishte 3.1%. Referuar raportit me përjashtim të transportit gjithçka është shtrenjtuar.

Çmimet në Shqipëri vijojnë të rriten më shumë se në vendet e Bashkimit Evropian. Agjencia Evropiane e Statistikave thotë e inflacioni në muajin janar në Shqipëri ishte 3.8%, nga 3.4% që e nxori INSTAT, apo nga 3.1% që është mesatarja e inflacionit në vendet e Bashkimit Evropian.

Referuar të dhënave ndikimin më të madh në inflacion në muajin e parë të vitit ka dhënë grupi i argëtimit e kulturës me 6%, ndjekur nga shtrenjtimi i ushqimeve me 5.8%, për të vijuar më tej me rritjen e kostove të çdo grupi nga mobilimi, arsimimi, komunikimi deri tek veshjet, qiratë e shëndeti. I vetmi grup që ka regjistruar ulje çmimesh është ai i transportit me-2.7%.

Me këto të dhëna EUROSTAT, e klasifikon Shqipërinë në vendin e 10 mes 31 shteteve me çmimet më të larta. Inflacioni në vend nisi që të rritej më shumë se në BE në muajit e fundit të vitit të kaluar.

Për këtë shtrenjtim të jetesës përtej shifrave të BE-së, Banka e Shqipërisë ‘fajëson’ inflacionin e brendshëm, i shkaktuar prej rritjes së shpejtë të pagave kryesisht në shtet por edhe në privat me synim mbajtjen e punonjësve, çka ka sjellë rritje të kostove për bizneset e shtetin.

Po ashtu ndikim të konsiderueshëm në inflacionin e brendshëm sipas Bankës së Shqipërisë po jep edhe kërkesa e lartë për mallra e shërbime, që është mbi ofertën që ka tregu.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/02/2024 02:07

    Mos kini merak se sipas BKSH /forcimi/ i lekut do t'a ule inflacionin!

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22