'Fatkeqësisht COVID nuk bën përzgjedhje politike', Kalo mesazh politikanëve: Mos u përpiqni të na përçani ne mjekët me idiotësirat tuaja

TIRANË- Mjeku Tritan Kalo këtë mëngjes u ka dërguar një mesazh të fortë politikanëve, e ndërsa nuk ka kursyer as ironitë. "Fatkeqësisht nuk bën përzgjedhje “politikisht të motivuar”, shkruan mes të tjerave Kalo, e ndërsa shkruan se nuk duhet të ndërhyjnë për të përçarë mjekët me idiotësira, pasi për ta është i rëndësishëm betimi që kanë bërë.

Një thirrje shkon edhe për qytetarët, që të mos humbasin vigjilencën, edhe pse masat janë lehtësuar se sepse siç ai shkruan, kjo luftë nuk ka vetëm heronj, të sëmurë dhe të mbijetuar, por edhe viktima.

Mesazhi i plotë i Tritan Kalos
Kujdesuni dhe vijoni të kujdeseni për veten tuaj….virusi Sars-Cov2/Covid-19 fatkeqësisht nuk bën përzgjedhje “politikisht të motivuar” në prekjet e tij, por agresiviteti i shfaqjeve klinike të tija nuk ka parë dhe kurrë nuk do të shoh përkatësira të tilla….jemi të gjithë të pambrotjur para tij, NËSE nuk respektojmë jetët tona, nëse nuk përkujdesemi për to dhe jetët e atyre që gjallojnë pranë nesh, NËSE nuk vijojmë të zbatojmë këshillat për distancimin fizik, higjenën përsonale, kolektive dhe atë të mjedisit, hidrimin dhe ushqimin e shëndetshëm….zotër te jetëve jemi vetë NE…. Bashkëqytetarët e mi, ju lutem të mos hiqni dorë asnjë herë nga informimi prej atyre, që ndokush i quan edhe “mesjetarët mjek” (S.G.), dhe të informoheni jo drejt dhe shpesh të mbështetur në mllefe politike, militantiste dhe shumë pak profesioniste nga gjithollogët e shumtë, të cilët vijojnë e gëlojnë në ekranet tona, në shtypin e shkruar apo në rrjetet sociale….fillimi i hapjes së domosdoshme të vendit e sjell përsëri në prag rrezikun e infektimit nga Sars-Cov2/Covid-19…NË këtë sfidë nuk ka vetëm heronj, të sëmurë dhe të mbijetuar, por edhe viktima…pas 36 orëve të asnjë rasti të shtruar nga Covid-19 në Covid-1, Shërbimin e Sëmundjeve Infektive në QSUT, kanë filluar sot edhe trokitjet e para të sëmurëve të rinj….vijoni të bëni kujdes…nëse ka debate shkencore mes kolegësh, këto debate janë vetëm e vetëm për të hedhur dritë mbi shumë paqartësira, që ende bart kjo “flamë mbarëbotërore”….mos u përpiqni të na përçani ne mjekët me idiotësirat tuaj…ne Mantelbardhët, kemi bërë të gjithë një betim dhe jemi të gjithë në bllok në përballjen me sfidën “Covid-19”….vijoni dhe bëni kujdes!!!

LEXO EDHE:
'Amaneti yt u vu në vend', mjeku Tritan Kalo përcjell në banesën e fundit bashkëshorten: Mbi arkëmort do vendosen 72 trëndafila

TAG:
• tritan kalo
• Koronavirus
• koronavirusi ne shqiperi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq