Fëmijët e këtyre nënave, 5 dhe 6 vjeçe, janë diagnostikuar që në moshë të hershme me prapambetje të zhvillimit psiko-motor, por këto nëna nuk janë dorëzuar që fëmijët e tyre të marrin trajtimin e duhur profesional.
Ato ndajnë me Report Tv dhimbjen e tyre, duke përcjellur një mesazh për të gjithë prindërit, që t’i pranojnë fëmijet e tyre dhe të punojnë së bashku me ta për përmirësimin e cilësisë së jetës.
‘’Çdo prind lëndohet kur fëmija ka probleme, por duhet ta ndihmojnë që ky fëmijë të ecë përpara.
‘’Jam ndjerë ndonjëherë keq por nuk jam dorëzuar, sepse po u dorëzova unë kush do ta ndihmojë atë fëmijë? Ka shumë këshilla, por në radhë të parë duhet të keni durim dhe besim tek Zoti’’,-u shprehën nënat.
Drejtoresha e kesaj qendra, Migena Kika shpjegon se pjesa më e madhe e fëmijeve që dignostikohen me probleme me psiko-motore, i përkasin edhe spektrit autik.
Neuropediatria Kika shprehet se autizmi është një trend në rritje.
‘’1 në 100 fëmijë vuan nga çrregullimet e spektrit të autizmit. Do të vijë një moment që autizmi është bërë, por do të bëhet më shumë problem i shëndetit publik’’,-u shpreh Kika.
Por sipas mjekut psikiatër të kesaj qendre, Rezart Mulla, mirërritja dhe mirëqënia e këtyre fëmijëve varet nga atmosfera familjare, trajtimi mjekësor dhe si dhe kujdesi që marrin në kopësht për të ndihmuar përmirësimin e jetës së tyre sociale.
‘’Këta fëmijë kanë të dëmtuar fushën sociale. Kopështi është i vetmi ambient që mund t'i nxjerrë nga bota e tyre dhe t’i fusë në botën shoqërore. Edhe familja ka një rol të rëndësishëm’’,-u shpreh Mulla.
Qëndra kombëtare e mirërritjes, zhvillimit dhe rehabilitimit, ofron shërbim ambulator apo hospilator fëmijët. Pavarësisht ndërgjegjësimit në rritje, mjekët pohojnë që ka ende prindër që nuk pranojnë që fëmija i tij ka probleme në zhvillimin normal psikik dhe fizik apo social.
Redaksia Online
XH.K/Shqiptarja.com