Fëmijët e Bedrijes po përpiqen më shumë se kushdo të tregojnë të vërtetën për nënën e tyre. Ata janë me të dhe nuk është një gjë që në Shqipëri ka ndodhur përherë. Ata po e mbrojnë më shumë se kushdo. Edhe nga ata që ende pa e mësuar të vërtetën sot po thonë: “Po po, iu vra nëna, tani po arrestojnë dhe babanë”, pra sikur një dyshim për vrasje, paska lehtësime dhe arsye që të lehtësojë ata që e bëjnë realisht ose shtyjnë të tjerë në vetëvrasje. Ka njërëz në shoqërinë tonë që iu bëjnë skonto vrasësve, i justifikojnë. Ka njerëz që vrasësit e grave dhe të vajzave, edhe në dritë të diellit, kanë dashur t’I shpëtojnë. Ka të tjerë që këto vrasës i kanë shpëtuar, duke mos hetuar, duke i deklaruar vrasjet si vetëvrasje, vetëvrasjet si “depresion” apo si “aksidente” shtëpiake.
Një celular që dridhet brenda shtëpisë në Sukth, një filmim i bërë ndërsa babai ngre dorë mbi nënën, flet shumë. Nuk është prova se Xhemal Loka ka vrarë gruan e tij apo e ka shtyrë në vetëflijim, por tregon dhunën që përjetonte familja, terrorin nga ku, me siguri kërkonte të largohej ajo nënë. Fotot në Tik-Tok me siguri e kanë lënduar një grua si Bedrija, por a mund të ishte kaq e dobët ajo nënë që ka lindur e ka rritur 4 fëmijë për të marrë vendimin e vetëvrasjes?
Në videon e bërë nga fëmijët e saj duket djali më i madh, është i ri, por i vendosur mes nënës dhe babait të tij, duket sikur të jetë një pemë njëqindvjeçare ulliri: i patundur, me rrënjë të thella e krahë të hapura për të mbrojtur nënën. Ai mban babain. Ruan nënën. Vjehrra e Bedrijes jashtë kangjellave të policisë është e shqetësuar për 40 mijë euro, ua thotë gazetarëve, e tregon si një ngjarje që paska ndodhur dhe se dikush i ka grabitur ato para’. Sa e trishtuar është të shohësh njerëz që nuk janë të lënduar për vdekjen e një gruaje.
Kushedi nëse nëna po sheh fëmijët e saj se si po e mbrojnë. Askush nuk e di se ç’ndodh në atë botën e përtejme të shpirtrave. Por e vërteta për një nënë, vlen më shumë se 100 të vërteta.
Komente
Lajme të tjera
-
Frontline në Report Tv publikon dy video ekskluzive, djali i Bedrie Lokës filmon të atin duke i dhunuar nënën: ‘Do të të bëj namin... ty dhe kush të ka bërë ty'
11 Janar, 19:39 -
U la në burg pas vetëvrasjes së gruas, çohet për ekspertizë arma që u gjet në banesën e Xhemal Lokës
10 Janar, 11:13 -
Pamjet e dhunës ndaj Bedries nga i shoqi, eksperti i sigurisë Softa: Jo konflikt i zakonshëm, por ferr për të ndjerën! Gazetari Dema: Ka edhe dy video të tjera
8 Janar, 18:16 -
VIDEO EKSKLUZIVE/ Momenti kur Xhemal Loka dhunon e kërcënon bashkëshorten që kreu vetëvrasje! Djali i vogël e filmoi, tjetri përpiqet ta ndalojë
8 Janar, 17:37 -
Durrës/ E ëma i dha fund jetës me fotoksinë, dëshmitë tronditëse të fëmijëve të mitur: Babi e rrihte me grushta e shkelma! I thoshte do të bëj të vrasësh veten
8 Janar, 16:36 -
Vetëvrasja e nënës së 4 fëmijëve në Durrës, gjykata lë në burg burrin! Prokuroria: Ushtronte sistematikisht dhunë psikologjike e fizike
8 Janar, 10:44
Pyes veten,si ka mundesi qe nena e kater femijve nuk arriti te kuptoje se autori i agresionit virtual mbi te ishte pikerisht ai, i ashtuquajturi bashkeshort,,,,qe i ishte perbetuar kohe me pare se do e bente te vriste veten. Ajo qe perballonte cdo dite sfida te verteta per rritjen e femijve te saj te shtrenjte,si ka mundesi qe u nda nga ata,,,,per shkak te nje morali absurd,cenuar nga ujdisjet e bastardit te tipit burgaxhi xh.loka. Jam vete nene Alba dhe e ndjej shume thelle tragjedine e Bedrije Lokes.
PërgjigjuE vranë nënën, vranë dhe çunat, nëna në dhe, çunat sipër
PërgjigjuNqs kjo deshmi eshte e vertet dhe ne fakt une e besoj, babi im e shante e ofedonte me fjalët nga më të ndyrat... i thosh që ke dashnor, i thosh që ty të ka kap vëllai jot dhe se ti shkon nëpër hotele me atë (dajën)" ka dëshmuar i biri, shkruhet në dosjen e prokurorisë. Xhemal Loka eshte nje psikopat, kjo thenie e tij provon se ai eshte paranojak dhe nuk duhet falur aspak per ate qe ka bere. POr nje gje eshte e sigurt partneret vuajne shume nga partnere te tille. Akuza se ke shkuar me vellane tim e Xhemalit eshte pertej cdo mendje normalee.Me vjen keq per njerez qe kane partner te tille qe mund te jene edhe burra kur gruaja akuzon kot sepse ka fiksime, eshte paranojake burrin e saj sepse asaj i duket se burri shkon me motren e saj, me nen e saj me nen e tij. shkon me emotren time
Përgjigju