Festa e Sulltan Novruzit/ Basha takon kryegjyshin botëror: Qoftë kjo ditë një ogur i mbarë për fitoren e shpresës mbi dëshpërimin (VIDEO)

Kreu i Partisë Demokratike, Lulzim Basha ka vizituar ditën e sotme Baba Mondin, me rastin e festës së Sulltan Novruzit.  

Lulzim Basha: Baba Mondi, mire se të gjej! Gëzuar për shumë vjet Sulltan Nevruzin! Shëndet, jetë dhe dritë për ty dhe të gjithë klerikët bektashi, për të gjithë besimtarët bektashi kudo që janë. Qoftë kjo ditë një ogur i mbarë për fitoren e shpresës mbi dëshpërimin ashtu siç është simboli i fitores pranverës mbi dimrin dhe për largimin e të keqes nga shpirti i çdo shqiptari për triumfin e të mirës, e ndryshimit pozitiv për të gjithë.

Baba Mondi: Amin! Të lumtë goja. Faleminderit kryetar! Të paçim me jetë! Faleminderit për vizitën! Kjo është vërtetë një ditë e bekuar nga Zoti, kuptohet edhe nga shenjtorët që vijnë. Dhe është shembull për njerëzimin që ta udhëheqë njerëzimin në rrugën e vërtetë dhe prandaj ne i respektojmë këta njerëz, duke sakrifikuar me familje me gjithçka për të udhëhequr njerëzit në rrugën e vërtetë. Zoti ju bekoftë!
Lulzim Basha: Amin! Bashkë me ju.

 

Lajmi kryesor:

Sot kremtohet Sulltan Novruzi, Baba Edmond Brahimaj: Pandemia nuk na ka penguar që të jemi shpirtërisht pranë njëri-tjetrit! Uron politika dhe ambasadorja Kim

B.K./b.ha./Shqiptarja.com

TAG:
• edmond brahimaj
• baba mondi
• sulltan novruzi
• Dita e Ashures