POP 5

Lajmet më të lexuara të 5 minutave të fundit

Ekonomi

‘Festa e ullirit’, panairi i prodhimeve vendase në Roskovec! Fermerët: Kostoja e prodhimit e lartë, mungon tregu i vajit

Me qëllim promovimin e kulturës dhe produkteve vendase “Festa e Ullirit” bëri bashkë për të gjashtin vit, vizitorë të shumtë në  kishën 700 vjeçare të Shën Kollit në Roskovec. Edhe pse prej vitesh e kultivojnë ullirin, si kulturë bujqësore, fermerët thonë se problem për ta vazhdon të mbetet mungesa e një tregu të formalizuar.

Me një atmosferë festive, me këngë dhe valle është çelur për të gjashtin vit radhazi panairi “Festa e Ullirit”, pranë kishës 700 vjeçare të Shën Kollit, në Roskovec. Një kulturë bujqësore e kultivuar prej vitesh nga banorët e fshatrave Kurjan dhe Vlosh të Roskovecit, Festa tërhoqi vëmendjen e shumë vizitorëve vendas.

Fermerët e Roskovecit janë ndër prodhuesit kryesor të vajit të ullirit në vend, por problem për ta mbetet mungesa e tregut të shitjes dhe çmimi i ulët me të cilin kërkohet.

 “Të gjitha gjërat janë në rregull, por vaji i ullirit ka mbetur stoqe nëpër familje. Bëhet ‘Festa e ullirit’, por, po nuk u shit prodhimi kemi shumë vështirësi”, thotë një fermer.

“Kemi ullinj edhe vaj me bollëk, por, nuk kemi transport për ta tërhequr. Kemi dhe vajin e vjetshëm dhe nuk kemi ku ta çojmë, por nuk ka treg. Detyrohemi ta japim të paktën 8000 –9000 lekë të vjetra bodilen”, thotë një fermere.

“Ne e kemi problematikën vetëm për të shitur vajin, se nuk ka shumë treg. Familja më e pasur mund të ketë mbi 10 kuintal vaj në shpi”, shprehet një tjetër.

Domosdoshmeria e një pike grumbullimi është pohuar dhe nga vetë  kryetarja e bashkisë Majlinda Bufi , e cila është shprehur se po ndërmerret dhe një nismë për ndërtimin e një pike grumbullimi.

 “Këtë vit prodhimi është me shumicë dhe unë e njoh dhe problemin e fermerëve për gjetjen e një tregu, për shitjen e vajit të ullirit. Në këtë zonë janë mbjellë rreth 500 mijë rrënjë ullinj , te cilët janë në prodhim por fermerët qe kultivojnë këtë pemë janë shprehur te kënaqur  për prodhimin e saj te vajit te ullirit por sipas tyre mungon tregu i shijes se vajit. Do të kemi dhe prezantimin e një iniciative që Bashkia e Roskovecit ka filluar për prezantimin e një nisme që është bërë për ndërtimin e një pike grumbullimi këtu në Roskovec. Ka ardhur momenti i standardizimit për të dalë në treg”, thotë kryebashkiakja Bufi.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meri: 05/11/2022 17:55

    Nuk tregtohet vaj me shishe plastike,nuk eshte higjenike,edhe ajo peshorja e aluminit nuk eshte as higjenike dhe as estetike .

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33