Rekordi turistik i vitit 2023 ka marrë edhe vulën e INSTAT, pasi në raportin e fundit për lëvizjet e shtetasve në dhjetor, thuhet se vendi përgjatë vitit të shkuar u vizitua nga 10.1 milionë të huaj.
“Numri i shtetasve të huaj të hyrë në Shqipëri gjatë vitit 2023 është 10.155.640, duke u rritur me 34,6 %, në krahasim me vitin 2022. Numri i shtetasve shqiptarë të dalë nga Shqipëria në vitin 2023 është 6.913.347, duke u rritur 17,5 %, krahasuar me vitin e mëparshëm”, thuhet në raport.
Shifra rekord janë regjistruar edhe në muajin e festave të krishtlindjeve dhe ndërrimit të viteve. Mbi 616 mijë të huaj kanë hyrë në Shqipëri vetëm në muajin e kaluar.
“Në Dhjetor 2023, numri i shtetasve shqiptarë që kanë hyrë në territorin shqiptar është 745.517. Ky numër është rritur me 29,9 %, krahasuar me Dhjetor 2022. Numri i shtetasve të huaj që kanë hyrë në territorin shqiptar është 616.994. Ky numër është rritur me 57,6 %, krahasuar me Dhjetor 2022”, vijon raporti.
Por nga ana tjetër janë mbi 602 mijë qytetarë vendas që kanë dalë jashtë vendit në dhjetor sipas INSTAT.
“Daljet e shtetasve shqiptarë nga territori i Shqipërisë, gjatë muajit Dhjetor 2023 janë 602.346. Krahasuar me Dhjetor 2022, ky tregues ka rënë me 5,1 %. Daljet e shtetasve të huaj nga territori i Shqipërisë, gjatë muajit Dhjetor 2023 janë 550.083. Krahasuar me Dhjetor 2022, ky tregues është rritur me 26,3 %. Numri i shtetasve shqiptarë të dalë nga territori i Shqipërisë gjatë vitit 2023, është 6.913.347, duke u rritur me 17,5 %, krahasuar me të njëjtën periudhë të një viti më parë”, raporton INSTAT.
Nëse ndalemi tek gjeografia e turistëve që kanë vizituar Shqipërinë vjet, shpërndarja është nga e gjithë bota, por që dominohet nga Evropa e kryesisht ajo jugore ku bën pjesë Italia e vendet e Ballkanit. Sipas INSTAT rreth 9.7 milionë të huaj ishin nga Evropa, ku 7.7 milionë ishin të Evropës jugore, ndjekur nga Amerika me 240 mijë turistë, Azia me 66.6 mijë turistë, 53 mijë janë nga rajone të paspecifikuara, 40 mijë nga Lindja e Mesme dhe 15 mijë nga Azia e Jugut.
Komente
Lajme të tjera
-
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
Edhe Rita from France e quajne turiste te huaj keta
PërgjigjuShqiptaret qe punojne jashte dhe kane pasaporta te huaja numerohen si te huaj besoj. Nqs Kujtimi vjen nga Italia te shikoje familjen e tij numerohet si i huaj. Nqs Kujtimi shkon nje xhiro ne Oher dhe kthehet numerohet 2 here. Po shkoi deri ne Janine nje xhiro behen 3. Apo jo?
Përgjigjukta numerojne emigrantet e shkret si Turiste , jane larguar nga halli e kthehen nga malli .... "qesharake"
Përgjigju