Shumë qytetarë finlandezë i kanë dalë në mbrojtje kryeministres së vendit Sanna Marin, pas videove që qarkulluan në rrjet ku shfaqej duke kërcyer në festa të cilat u etiketuan si “të shthurura”.
Në mbështetje të kryeministres 36-vjeçare, qindra qytetarë postuan video të tyre duke kërcyer, në shenjë solidariteti.
“Kërcimi është shërues. Vazhdoni të kërceni! Solidaritet me Sanna Marin”, shkruan një qytetare krahas vidoes.
“Solidaritet me Sanna-n. Na ndodh të gjithëve. Video sekrete, budallaqe, e dehur ku jam me miqtë e mi!!! E kam postuar vetë.”, tha një tjetër!
“Ndërkohë në Skandinavi! Festo si Sanna Marin”, shkroi një tjetër krahas videos.
Pasi videoja e parë që qarkulloi në rrjet duke kërcyer e duke pirë më miqtë mori kritika të shumta ndërsa pati aludime edhe për përdorim kokaine, Sanna Marin doli në një konferencë për mediat ku tha se ka bërë tetsin e drogës e se nuk ka konsumuar lëndë narkotike të paligjshme. Pas kësaj qarkulloi një tjetër video e kryeministres duke kërcyer në një club.
Të shtunën, eksperti i sigurisë kibernetike Petteri Järvinen sugjeroi se hakerët rusë mund të fshihen pas shpërndarjes së këtyre videove, pasi mund të kenë hakuar telefonin ose llogaritë sociale të ndonjë personi që ishte pjesë e rrethit të ngushtë të Marin, sipas gazetës Iltalehti.
Marin nuk e fsheh se i pëlqen të marrë pjesë në festa, dhe shpesh është fotografuar në festivale muzikore. Para pak kohësh, Marin u quajt "kryeministrja më e cool në botë" nga gazeta gjermane Bild.
Edhe vitin e kaluar ajo kërkoi falje pasi kaloi gjithë natën në club ndërkohë që kishte qenë më përpara në kontakt të ngushtë me një të infektuar me COVID-19.
Lajme të tjera
-
VIDEOLAJM/ Finlandë, babagjyshi niset me slitë nga fshati i tij për shpërndarjen e dhuratave përreth botës
24 Dhjetor, 15:02 -
Shqipëria, ndër vendet më obeze të Europës, më elegantët italianët
12 Dhjetor, 10:56 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
Dëmtohet kablloja nënujore mbi 1 mijë kilometra e gjatë që lidh Gjermaninë me Finlandën, Berlini: Sabotim
19 Nëntor, 16:05 -
Suedia dhe Finlanda u bëjnë thirrje banorëve të bëhen gati për mundësinë e luftës
18 Nëntor, 16:29 -
Kupa e Botës për Ski/ Lara Colturi e pafat, nuk mbyll dot lëshimin e dytë në pistën e Levit (VIDEO)
16 Nëntor, 16:17 -
NATO vendos komandën tokësore në Finlandë, afër kufirit rus
27 Shtator, 16:44 -
VIDEO/ Bombarduesit amerikanë stërviten duke u ulur në autostradën e Finlandës
5 Shtator, 22:55 -
Ministrja e Jashtme e Finlandës vizitë dyditore në Ballkan, takime në Shqipëri, Kosovë dhe Serbi
3 Shtator, 14:35 -
Avionët luftarakë rusë sulmojnë bombarduesit amerikanë mbi Arktik
21 Korrik, 17:45 -
Finlanda miraton ligjin për bllokimin e emigrantëve nga Rusia
12 Korrik, 17:20 -
Vizita zyrtare në Finlandë, Ministri Hasani pritet nga presidenti: Në NATO bashkë për sigurinë globale
12 Qershor, 13:29
