FIER - Një zjarr i përmasave të mëdha është aktivizuar mesditën e sotme në kodrat e fshatit Frakull e Vogël në Fier dhe ka përshkuar mbi 30 Ha kullota dhe pemtari.
I favorizuar nga era e fortë zjarri u përhap në disa vatra duke përfshirë edhe ullishte. Terreni i vështirë e bëri të pamundur ndërhyrjen e zjarrfikësve.
Banorët kërkuan ndërhyrje nga ajri pasi situata ishte tepër e vështirë dhe zjarri mund ti afrohet banesave.
![](https://shqiptarja.com/template/img/NO_ALFA_Kuadrate shqiptarja.png)
Nga ardhja e helikopterit, pas rreth 1 ore është fikur vatra e zjarrit në Frakull.
FIllimisht operuan 7 mjete zjarrfikëse, 32 personel zjarrfikës, 9 punonjës policie dhe 20 forca vullnetare. Por terreni ishte mjaft i vështirë, ndërsa kreu i emergjencave civile në qarkun e Fierit, Kreshnik Ymeraj theksoi se mjetet zjarrfikëse e kanë të pamundur të operojnë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)