Filloni ditën tuaj me mëngjes të shëndetshëm dhe reduktoni rrezikun e diabetit

Hulumtimet e kryera kanë treguar se konsumimi i rregullt i një mëngjesi të shëndetshëm zvogëlon rrezikun e zhvillimit të diabetit të tipit 2, sëmundjeve kardiovaskulare dhe obezitetit.

Në një studim të fundit të botuar në revistën Lifestyle Medicine, një mjek tregon se ngrënia e tërshërës mund të luajë një rol të rëndësishëm në zgjatjen e jetës.

Po ashtu, u zbulua një ulje të shkallës së vdekjes së parakohshme te njerëzit që hanë rregullisht bollgur.

Përveç kësaj, studime të tjera tregojnë se tërshëra ndihmon në uljen e kolesterolit dhe rregullimin e sheqerit në gjak, duke reduktuar kështu rrezikun e sëmundjeve të zemrës dhe diabetit.

Përfitimet shëndetësore që vijnë nga konsumi i tyre:

Redukton kolesterolin dhe rregullon sheqerin në gjak

Bollguri redukton përthithjen e kolesterolit në gjak dhe përmirëson kontrollin e insulinës, gjë që redukton rrezikun e diabetit dhe sëmundjeve të zemrës.

Përmirëson sistemin imunitar

Mineralet si seleni dhe bakri në tërshërën forcojnë qelizat e bardha të gjakut që luftojnë infeksionin. Gjithashtu, përbërësit në tërshërën mund të përmirësojnë reagimin imunitar dhe të mbrojnë trupin nga patogjenët dhe sëmundjet afatgjata.

Ndihmon në sistemin tretës

Beta-glukanet, një formë e fibrave të tretshme që gjenden në tërshërën, ngadalësojnë tretjen, nxisin rritjen e baktereve të mira në zorrë dhe përmirësojnë rregullimin e sheqerit në gjak.

I pasur me vlera ushqyese

Bollguri është i pasur me vitamina dhe minerale si hekur, magnez, fosfor, bakër, zink dhe vitamina B, duke e bërë atë një fillim të përsosur të ditës.

Xh.K/Shqiptarja.com

TAG:
• bollgur
• tershere
• mengjes