POP 5

Lajmet më të lexuara të 5 minutave të fundit

Ekonomi

Fiskalizimi/ S'ka gjoba për biznesin deri në 31 dhjetor, kontabilistja: Vendim i drejtë, fiskalizimi i domosdoshëm për ekonominë

Gjatë vitit 2020 nuk do të aplikohen gjoba për bizneset që nuk do të respektojnë ligjin për të implementuar fiskalizimin. Ky propozim që vjen nga Ministra e Financave nëpërmjet një projektligji, është i duhuri thonë kontabilistët, pasi ndihmon bizneset të përshtaten me këtë sistem të ri.

Asnjë gjobë nuk do të vendoset deri më 31 dhjetor 2021 për bizneset që do të konstatohen në shkelje sa i takon implementimit të fiskalizimit. Ky vendim vjen si propozim i Ministrisë së Financave, që kërkon të ndryshoj ligjin për procedurat tatimore duke shtuar edhe këtë dispozitë kalimtare për të mos vënë gjoba për këtë vit.

Propozimi për të mos aplikuar gjoba vjen pak ditë para se të nisë faza e dytë e fiskalzimit, pasi në 1 korrik nis implementimi i kësaj platforme edhe për kategorinë e dytë biznes-biznes.

Për kontabilisten Brikena Tolli mbajtja e kësaj qasje jo penalizuese për bizneset, është e duhura, ndërsa shton se fiskalizimin është i domosdoshëm

“Procesi i fiskalizimin është një proces i duhur në luftën kundër informaliteti, i cili do ti vijë në ndihmë edhe ekonomistëve dhe kontabilistëve duke automatizuar disa deklarime por edhe në kontabilitet. Sigurisht që në një periudhë afatmesme do ti ndihmojë bizneset pasi duke ulur informalitetin rrit edhe barazinë midis bizneseve”, shprehet Brikena Tolli.

Po ashtu Tolli komenton edhe skepticizmin që kanë disa biznese për të nisur zbatimin e fiskalizimin

“Sigurisht ka akoma biznese të cilat nuk e kanë pranuar jo vetëm për vështirësitë por ndjehen të frikësuar sepse është një qasje e re, sepse është një teknologji e re, dhe ndryshon kultura e punës së tyre, pasi ishin mësuar me blloqe me letra, tani do jetë çdo gjë e automatizuar. Implementimi i një platforme të re ka problematikat e veta dhe kërkon kohë për tu konsoliduar”, pohon Tolli.

Sipas administratës tatimore janë rreth 34 mijë biznese që fillojnë fiskalizimin nga data 1 korrik, ndërsa aktualisht janë pajisur me certifikatë elektronike 18.488 subjekte. Ndërkohë faza e parë ka nisur në 1 janar për marrëdhëniet biznes-shtet, ndërsa faza e fundit është parashikuar të filloj në 1 shtator biznes-konsumator.

Me implementimin  e këtij sistemi çdo transaksion do të regjistrohet në kohë reale duke i dhënë mundësinë administratës që të identifikojë më shpejt rastet e abuzimeve.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46