POP 5

Lajmet më të lexuara të 5 minutave të fundit

Sport

Fiton Napoli dhe Lazio, Roma miqësohet me humbjen

Napoli i Anchelotti-t e ka kaluar me sukses transfertën e vështirë të Torinos pasi ka fituar me shifrat 1-3 takimin e vlefshëm për javën e pestë të “Seria A”.
Fiton Napoli dhe Lazio, Roma miqësohet me humbjen

Pamje nga ndeshja Torino-Napoli

Napoli i Anchelotti-t e ka kaluar me sukses transfertën e vështirë të Torinos pasi ka fituar me shifrat 1-3 takimin e vlefshëm për javën e pestë të “Seria A”. Skuadra napolitane e nisi mjaft mirë sfidën pasi në minutën 4-r Insigne përfitoi nga një rrëmujë në zonë për të zhbllokuar rezultatin. Pa kaluar shumë, sulmuesi i ardhur në verë, Verdi, do të dyfishonte rezultatin.

Torino me protagonist ‘bomberin’ Belotti do të reagonte në pjesën e dytë duke shkurtuar diferencat, por goli i dytë i Insigne-s që ishte i treti për Napolin në minutën e 59-t, vrau shpresat e vendasve për pikë si dhe vulosi rezultatin.

Ndërkohë Roma nuk di t’i ndalë rezultatet negative pasi është mposhtur nga Bolonja në transfertë me rezultatin 2-0. Goli i Matellios në pjesën e parë dhe Santander në pjesën e dytë kanë fundosur verdhekuqtë, të cilët pas 5 javësh kampionat kanë grumbulluar vetëm 5 pikë.

Takimi tjetër i “Seria A” mes Lazio-s dhe Genoa-s është mbyllur me shifrat 4-1, me kryeqytetasit që kanë marrë fitoren e tretë radhazi në kampionat.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10