POP 5

Lajmet më të lexuara të 5 minutave të fundit

Kultura

Fjala dhe muzika, Festivali i Këngës në dy netët e para! Në garë 31 këngëtarë, dominojnë të rinjtë

Me 31 pjesëmarrës në garë ku dominuan emrat e rinj, Festivali i Këngës shënoi dy netët e para të këtij edicioni të 62. Shumica prej artistëve në garë kanë zgjedhur të shkruajnë e kompozojnë vetë këngët e tyre, ndërsa Kadiu dhe Matoshi, provuan se për prezantimin e këtij kompeticioni kërkohet maturi dhe eksperiencë

Mbi fjalën dhe muzikën, si temë qëndrore, Festivali i Këngës shënoi këtë mesjavë dy netët e para të garës. Balerini Kledi Kadiu dhe aktorja Adriana Matoshi, si prezantues kryesorë të ngjarjes më të madhe muzikore në vend, pavarësisht përpjekjeve për një qasje sa më të ngrohtë me publikun në sallë, vërtetuan se moderimi pavarësisht popullaritetit të personazhit, nuk duhet të shënohet si eksperiencë e parë në këtë kompeticion që kërkon maturi dhe eksperiencë.

Nën drejtimin artistik të Bojken Lakos, nga 31 pjesëmarrësit në garë dominiuan rinjtë.

Temë qendrore e poezisë mbeti dashuria, shumica prej artistëve në garë, kishin zgjedhur të realizonin vet tekstet dhe muzikën e këngës performuese, ndonëse pati edhe përjashtime si kënga futuriste e Kastro Zizos ‘2073’ me autor Timo Fllokon.

Prej këngëtarëve të njohur, një prej emrave më të përfolur si fituese e mundshme është Elsa Lila, e cila erdhi me këngën ‘Mars’ të shkruar e kompozuar nga vetë artistja... ku teksti flet për mos humbjen e shpresës në një periudhë të errët, që përkon me marsin e arrestimit të saj gjatë 2022-shit.

Me mbi 80 milionë disqe të shitura në mbarë botën, pjesë e natës së parë të Festivalit u bë dhe  këngëtari italian Umbertto Tozzi.

I ardhur nga Italia, ku është edhe i njohur si komedian, Xhuliano Dule, pavarësisht ‘ngërçit’ me shqipen tentoi si një nga bashkëshoqëruesit në show dhe prezantim t’i dhurojë Festivalit grimca humori...

11 anëtarët e Jurisë që do të vendosin mbi 6 çmime janë emra të afirmuar të artit e kulturës, si këngëtari Aleksandër Gjoka, kantautorja Fitnete Tuda apo shkrimtarja Helena Kadare, ndërsa për këngën përfaqësuese në Eurovizion do të vendosë publiku përmes votimit.

Festivali i këngës, që edhe kësaj here u shoqërua me polemika, ul siparin këtë të premte.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça