POP 5

Lajmet më të lexuara të 5 minutave të fundit

Sport

Flamurtari rikthen trajnerin brazilian, Troisi: Më bindi presidenti, kemi cilësi për t'u ngjitur në Superligë

Trajneri Marçelo Troisi është prezantuar sot në Vlorë si pasuesi i Dritan Resulit te Flamurtari. Braziliani tregon se presidenti Sinan Idrizi e bindi të merrte ekipin, duke qenë se ka cilësi dhe objektivi për t’u ngjitur në Superligë është i arritshëm.

Marcelo Troisi është rikthyer në krye të Flamurtarit pas 2 viteve. Braziliani ka marrë timonin e skuadrës vlonjate pas largimit të Dritan Resulit, i cili dha dorëheqjen si pasojë e humbjes së shkaktuar nga Luzi në javën e parë të kampionatit.

“Ka qenë një telefonatë dhe bisedë me presidentin që më riktheu në Vlorë. Kemi para një punë të vështirë, por e di që skuadra ka lojtarë cilësore dhe duhet të mendojmë për mirë,”-u shpreh Marcelo Troisi, trajner i Flamurtarit.

Pasi preku fundin Flamurtari këtë sezon luan në Kategorinë e Parë me qëllimin që shpejt të jetë në elitën e futbollit shqiptar. Këtë synim e ka pranuar edhe braziliani.

“Objektiv është që Flamurtari të ngjitet në Superligë dhe për këtë do punojmë çdo ditë. Unë e njoh qytetin, ambientin dhe shpresoj që të jenë një ndihmë për t’ia arritur qëllimit,”-deklaroi Marcelo Troisi, trajner i Flamurtarit.

Ndeshja e radhës për Flamurtarin në kampionat do jetë kundër kundër Korabit në Vlorë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22