TIRANË- “Me buxhetin e shtetit financojmë bashkitë për ngritjen dhe zgjerimin e shërbimeve sociale për gratë, fëmijët në vështirësi, të moshuarit dhe të gjithë kategoritë në nevojë, nëpërmjet Fondit Social. 14 bashki janë përfitueset e para të financimit të qeverisë për 14 shërbime të reja që do të mbështesin 3500 njerëz në nevojë”. Gjatë takimit me Kryetarët e Bashkive, Ministrja Manastirliu deklaroi se Fondi Social është instrumenti i duhur financiar për ngritjen dhe zgjerimin e shërbimeve në territor.
“Jam shumë e kënaqur që këtë përpjekje të kahershme e kemi bërë realitet, me mbështetjen direkte me financim për çdo bashki, për të ngritur shërbime sociale për njerëzit në nevojë, për të përmirësuar dhe standardizuar shërbimet ekzistuese dhe për t’i ofruar një mundësi të munguar më parë, grave, fëmijëve, të moshuarve, personave me aftësi ndryshe. Pas procesit të aplikimit dhe vlerësimit të nevojave, jam sot me ju për të ndarë së bashku financimin me 1 milion dollarë të 14 shërbimeve te reja në 14 bashki të kualifikuara fituese, që përfitojnë nga Fondi Social”, – tha Manastirliu.
Me Fondin Social, instrumenti financiar i vënë në dispozicion të bashkive nga qeveria, Ministria e Shëndetësisë dhe Mbrojtjes Sociale financon 90% të projekteve të paraqitura në vitin e parë, 60% në vitin e dytë dhe 30% në vitin e tretë, duke siguruar qëndrueshmëri financiare për shërbimet sociale në territor.
Manastirliu gjatë fjalës saj tha se në muajin Dhjetor do të hapet thirrja e dytë për projektet e bashkive që do të mbështeten nga Fondi Social.
“Dua të ftoj kryetarët e bashkive që të kthejnë vëmendjen tek ofrimi i shërbimeve shoqërore për qytetarët afër vendbanimit. Sigurisht që investimet në infrastrukturë dhe rrugë janë të rëndësishme, por po aq të rëndësishme janë edhë këto shërbime për grupet në nevojë në gjithë vendin”, apeloi Manastirliu.
E pranishme në takim Kryetarja e Bashkisë Durrës, Valbona Sako tha se bashkia do të këtë prioritet programet e mbrojtjes sociale.
“Bashkia e Durrësit për herë të parë bëhet pjesë e këtij projekti dhe ne jemi fitues për ngritjen e një qendre që mbështet fëmijët dhe familjet në nevojë”, tha znj. Sako.
Gledian Llatja, Kryetari i Bashkisë Elbasan tha se Fondi Social është ndihma kryesore që po u jepet jepet për të përmbushur nevojat e qytetarëve.
“Ne kemi përfituar nga Fondi Social financimin për të ngritur një shërbim të ri që është një Njësi Lëvizëse për shërbime sociale, të cilën e çmojmë shumë të domosdoshme për ata persona në nevojë në zonat e thella, ndaj shpresoj se do të përmbushim me sukses këtë financim, duke garantuar shërbime sidomos për fëmijët në nevojë”, tha z. Llatja.
14 shërbimet e reja në 14 bashkitë përfshijnë të gjitha grupet në nevojë si fëmijët, të moshurit, personat me aftësi ndryshe, viktimat e mundshme të trafikimit.
Më konkretisht, do të ngrihen 3 Qendra Multifunksionale për Zhvillimin e Fëmijëve dhe Fuqizimin e Familjeve në Kurbin, Sarandë dhe Vlorë. Do të finacohen 4 Shërbime Lëvizëse në Familje, për Fëmijët në nevojë dhe me Aftësi të Kufizuar në Peshkopi, Elbasan, Librazhd dhe Lezhë. Në Lushnjë do të financohet hapja e Qendrës Ditore për Fëmijët me Aftësi të Kufizuar, përmes ofrimit të shërbimeve integruese. Për herë të parë në bashkinë Tiranë do të pilotohet Shërbimi i Asistencës Shtëpiake për të Moshuarit në Banesë. Rjetit të ofrimit të shërbimeve për të moshuar, i shtohen edhe 2 qendra te reja ditore në Prrenjas dhe Rroskovec. Bashkia Maliq ka përfituar financimin në kuadër të Fondit Social për ofrimin e strehimit dhe shërbimeve emergjente brenda 72 orë për femijet 0-18 vjeç. Bashkia Durrës po ngre një qendër ku do të ofrohet një paketë e plotë shërbimesh, për të mundësuar mbrojtjen e fëmijëve dhe nënave në nevojë emergjente për mbrojtje. Për të 6 njësitë administrative në bashkinë Gjirokastër do të ofrohet mundësia e shërbimeve të parandaluese dhe trajtimit të viktimave të dhunës apo në risk ndaj saj, pranë Qendrës së Emergjencës për Viktimat e Dhunës me Bazë Gjinore, ku do të trajtohen edhe fëmijët.
Lajme të tjera
-
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21
