X

POP 5

Lajmet më të lexuara të 5 minutave të fundit

Ekonomi

Forcimi i dollarit, BB: Rrezikon borxhin, rrit inflacionin! Në Shqipëri këmbehet me 118 lekë 106 lekë në janar

Në një analizë të bërë nga ekspertët e Bankës Botërore, thuhet se rritja e dollarit ka ardhur për shkak të kërkesës së lartë pas nisjes së luftës në Ukrainë, duke qenë se euro po shfaqet e paqëndrueshme në tregjet ndërkombëtare

Dollari amerikan është forcuar me 11% në tregjet ndërkombëtare që prej fillimit të vitit, dhe për herë të parë në parë në dy dekada ka tejkaluar euron. Në një vlerësim të bërë nga Banka Botërore për forcimin e dollarit në raport me monedhat e tjera theksohet se kjo ka ardhur për shkak të kërkesës së fortë për dollarë në tregjet e huaja në kushtet kur lufta në Ukrainë ka krijuar rrezik masiv gjeopolitik dhe paqëndrueshmëri.

Shqetësimi kryesor që ngrihet për forcimin e dollarit ka të bëjë me lëkundjen e tavaneve të borxhit të marrë në dollarë, kur shteti përdor një monedhë tjetër. Madje një rritje e mëtejshme e dollarit mund të cenonte edhe mbledhjen e të ardhurave.

‘Teksa dollari bëhet më i fortë në krahasim me monedhat e tjera, pagesa e detyrimeve bëhen shumë më të shtrenjta për sa i përket monedhës vendase’, thuhet në vlerësimin e ekspertëve të Bankës Botërore.

Në afat të shkurtër, një dollar i fortë mund të godasë edhe tregtinë pasi çmimet referencë të shumë mallrave e në veçanti të karburantit kuotohen në dollarë, e për pasojë mallrat që blihen do të kushtojnë më shumë duke ndikuar në rritjen e inflacionit.

'Ndërsa dollari forcohet, importet bëhen të shtrenjta, duke i detyruar kështu firmat të reduktojnë investimet e tyre ose të shpenzojnë më shumë për importet thelbësore', thuhet në analizën e Bankës Botërore.

Nga ana tjetër Rezerva Federale e SHBA sipas Bankës Botërore po rrit normat e interesit, dhe në të njëjtën kohë edhe bankat e tjera qendrore duhet të rrisin normat e tyre për të qëndruar konkurruese dhe për të mbrojtur monedhën e tyre. Kjo rritje e normave rrit koston e huamarrjes së brendshme.

Aktualisht në Shqipëri forcimi i dollarit kundrejt lekut po sjell rritje të çmimit të naftës dhe të produkteve ushqimore, që ne i blejmë në tregjet e huaja me dollarë, pasi për të njëjtat mallra paguajmë më shumë për shkak të rritjes së vlerës së dollarit. Në pikat e këmbimit valutor sot dollari është 118.5 lekë, ndërsa euro po këmbehet me 117.5 lekë. Vlera e dollarit është rritur me 11.64 lekë në krahasim me janarin e këtij viti.

Ndërsa sipas kursit zyrtar të Bankës së Shqipërisë, dollari po u blihet qytetarëve mesatarisht me 117.19 lekë dhe po ju shitet me 118.17 lekë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

FOTOLAJM/ Deputeti demokrat shkon në Kuvend me çadër plazhi, ironizon Olta Xhaçkën: I ndau shqiptarët në të malit dhe të fushës

FOTOLAJM/ Deputeti demokrat shkon në Kuvend me çadër plazhi, ironizon Olta Xhaçkën: I ndau shqiptarët në të malit dhe të fushës

18 Prill, 10:28