Euro 2024/ Spanja është 'zjarr', mposht 3-0 Kroacinë dhe i çon 'sms' Shqipërisë dhe Italisë

BERLIN - Spanja dominoi dhe fitoi 3-0 kundër Kroacisë në ndeshjen e parë për Grupin B të Euro 2024. Të ndodhur në një grup me Shqipërinë dhe Italinë, iberikët treguan se do jenë një pretendent i fortë për trofeun.

Spanjollët shënuan tre gola në pjesën e parë me Morata, Ruiz dhe Carvajal. "Dalmatët" ballkanas gabuan në pjesën e dytë një penallti me Petkovic, ndërsa u pa një skuadër jo në nivelet e viteve të shkuara.

Lojtari më i mirë në këtë takim sipas Sofascore ishte Fabian Ruiz që u vlerësua me notën 9.0, ndërsa me paraqitje të mira u vlerësuan edhe Unai Simon (8.7) dhe Dani Carvajal (7.7) Tek kroatët dy lojtarët më të vlerësuar ishin Mateo Kovacic (7.3) dhe Lovro Majer (7.0) ndërsa dështimi i ndeshjes ishte Josko Gvardiol i cili u notua me 6.2.

Këtë mbrëmje në 21:00 në Dortmund luhet Itali - Shqipëri, ndeshje që vlen po për Grupin B. Më herët gjatë drekës Zvicra fitoi 3-1 kundër Hungarisë, sfidë e vlefshme për Grupin A.

Renditja

S.DH/Shqiptarja.com

TAG:
• euro 2024
• spanje
• Kroaci