FOTO/9 spiunët në Bunk'Art 2
ja si përgjohej Fiqrete Shehu

Muzeu BunkArt 2 kërkon një kohë të gjatë të eksplorohet. Disa detaje interesante që mund ta sjellin si në një film periudhën e diktaturës, mund t’i shpëtojnë syrit të vizitorit, si kjo foto e rrallë e spiuneve vullnetarë te policisë se shtetit. 

Kjo fotografi origjinale është zbuluar nga kuratorët e e muzeut, me diçiturën përkatëse, ku shkruhet se kanë dalë një grup bashkëpunëtorësh vullnetarë GBV gjatë trajnimit nga operativi i tyre. Ndryshe nga spiunët e sigurimit te shtetit që vepronin fshehtas ata vepronin hapur. Spiunët kanë shenjat dalluese në krah. Janë gjithsej nëntë vetë rreth moshës nga 25 deri në 30 vjeç. Tre prej tyre janë gra. 

Në zhargonin e koduar popullor spiunët quheshin në atë kohë fuksa, fjalë që ka mbetur ende në fjalorin e shqipes për të shprehur me përçmim fjalën spiun. 

Po si shërbenin spiunët?
Spiunet vullnetare shërbenin përmes dërgimit te letrave dhe raportimeve, ndërsa ata te sigurimit te shtetit bënin shërbime me speciale si kjo që prezantohet në instalacionin artistik të këtij muzeu, ku janë dy hyrje dhe në njërën prej tyre ishin aparatet me të cilat ishte pajisur spiuni për të përgjuar fqinjin. 

Ja në këtë muze janë disa nga përgjimet konkrete të të burgosurve politikë që përgjoheshin përmes mureve me të ashtuquajturat çimka, aparatet e vegjël të përgjimit. 

Interesante janë rezultatet e përgjimeve të vitin 1985 kur vdiq diktatori Enver Hoxha. Janë përgjuar jo vetëm qytetarët e thjeshtë, por edhe shtresat më të larta të nomeklaturës komuniste, si dhe diplomatët e huaj. Ka shumë vlerësime negative për Enver Hoxhën, ndërsa paradoksi qëndron tek e përgjuara Fiqerete Shehu, gruaja e ish/kryeministrit të diktaturës. Pas burgosjes nga diktatori ajo ende shpreson se po të ishte gjallë do të kujdesej për djemtë e saj. “Shpresoja se do të rronte 90-vjeç”, ka thënë ajo.

[gallery]20040[/gallery]

Redaksia Online
l.q/Shqiptarja.com

TAG:
• bunkart