Foto/ Grabitja e Kredo.al, momenti kur 21-vjeçari futet në filial i maskuar dhe me çadër

Momenti kur 21-vjeçari futet në filialin e Kredo.al

Ky është momenti kur Kristi Çinari autori i grabitjes së Kredo.al futet në institucionin financiar. Fotoja është kapur nga kamerat e sigurisë të institucionit dhe është siguruar nga gazetari i Report Tv Sokol Dema.

Nga pamjet shihet se ai ishte i maskuar dhe kishte edhe një çadër. Grabtija e Kredo.al ndodhi më 23 janar në "Rrugën Bardhyl" në zonën e Porcelanit në Tiranë gjatë paradites së sotme. Në këtë filial të institucionit financiar, Çinari vodhi një shumë prej 1 mln lekësh të vjetra. Report Tv mëson se në fakt, institucioni financiar ka deklaruar se janë vjedhur një shumë prej 5-6 mln lekësh të vjetra por policia shprehet se gënjen dhe se shuma është më pak.

Ai është ende në kërkim nga policia për kryerjen e disa grabitjeve duke përfshirë një farmaci në vitin 2017 dhe atë të një dite më parë. Lidhur me ngjarjen e ndodhur mbrëmjen e djeshme, në brendësi të farmacisë ai ka hyrë vetëm, ndërkaq nuk dihet nëse ka patur persona të tjerë që e kanë pritur jashtë. Deri tani dyshohet se ka marrë një shumë prej rreth 20 mijë lekësh.

Policia ka marrë pamjet e kamerave të sigurisë së farmacisë dhe po ashtu të bizneseve në afërsi për të zbardhur ngjarjen. Ai është kapur nga kamerat e farmacisë dhe duket se ka qenë i maskuar. Përballë tij ndodhet farmacistja e cila duket e tmerruar pasi është strukur dhe ka mbledhur duart nga frika.

E.M./Shqiptarja.com
  • Sondazhi i ditës:

    Zgjedhjet e 25 prillit, Koalicioni me LSI-në e ndihmon apo e dëmton Partinë Demokratike?

Komento


×

Lajmi i fundit

John

Manastirliu në qendrën e re shëndetësore në Katund Sukth: Është situatë delikate, duhet kujdes i shtuar për mbrojtjen nga COVID19