POP 5

Lajmet më të lexuara të 5 minutave të fundit

Sociale

FOTO/Rekord, personi më
i vjetër në botë jeton në Itali

Të martën ajo ka fryrë qiriun e 117-të, një arritje kjo për librin e rekordeve. E lindur në nëntor të 1899-ës, vetëm katër  vite  para se vllezërit Wright të shpiknin fluturimin në ajër, ka arritur të jetojë ndërmjet tre shekujve dhe të lërë pas dy Luftëra Botërore apo 90 qeveri të ndryshme italiane.


 
Emma Moranno, mendohet të jetë personi më i moshuar në ditët e sotme si dhe i fundit që ka lindur në vitet 1800. Të martën ajo ka fryrë qiriun e 117-të, një arritje kjo për librin e rekordeve.

Moranno, e lindur në nëntor të 1899-ës, vetëm katër  vite  para se vllezërit Wright të shpiknin fluturimin në ajër, ka arritur të jetojë ndërmjet tre shekujve dhe të lërë pas dy Luftëra Botërore apo 90 qeveri të ndryshme italiane.

Miq, të afërm e komshinj janë mbledhur në apartamentin e saj në Verbania në Lago Maggiore, për të festuar si dhe për të përjetuar këtë moment historik.

REKORD
(Festa e 117-vjetorit të Emma Moranno)

Në një intervistë për gazetën La Stampa pesë vite më parë, e moshuara kishte thënë për burrin e saj që vdiq gjatë Luftës së parë Botërore, se ajo është martuar pa dëshirën e saj, me një njeri që nuk e donte.

“Ose martohemi bashkë ose unë të vras. Unë isha 26-vjeç kështu që u martova pasi nuk kisha zgjidhje. Nuk isha e lumtur me martesën time. Patëm një fëmijë në 1937-ën por vdiq fatkeqsisht pas gjashtë muajsh. Një vit më vonë u ndava nga burri abuzues dhe mendoj se isha e para në Itali që divorcohej në atë kohë.  - kanë qënë ndër të tjera fjalët e saj.

Sipas një komshiu të saj, karakteritika e veçantë e Emmas është se ajo ha të njëjtin ushqim e cila është veza por e gatuar në mënyra të ndryshme, çdo ditë,  çdo javë, çdo muaj e çdo vit.

Përtej një diete të çrregullt, Emma Moranno ja ka dalë të jetojë shëndetshëm për 117 vite me rradhë.

Redaksia Online
K.M/Shqiptarja.com

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50