VLORE - Sezoni turistik veror është në kulmin e tij dhe turistë shqiptarë e të huaj kanë ‘pushtuar’ bregdetin shqiptar, veçanërisht atë të jugut. Megjithatë pasoja e tij, janë vënë re pasditen e sotme në Vlorë, ku aksi Levan-Vlorë, ka qëndruar për më shumë se 1 orë i bllokuar për shkak të trafikut të rënduar.

Radha e gjatë e trafikut, mësohet se ishte rreth 1.5 km e gjatë, dhe vetëm pas më shumë se 60 minutash është bërë i mundur zhbllokimi i tij.

Siç duket, krahas turistëve, trafiku në Vlorë, ka ardhur edhe si pasojë e qytetarëve që kanë shfrytëzuar fundjavën për tu orientuar drejt bregdetit vlonjat. 

trafiku levan vlore
(Në foto: Pamje nga trafiku i rënduar në aksin Levan-Vlorë)

Redaksia Online
(e.c/shqiptarja.com)