FOTOT/ Si ishte bunkeri bërthamor i Titos që kushtoi 4.6 milardë dollarë

FOTOT/ Si ishte bunkeri bërthamor i Titos që kushtoi 4.6 milardë dollarë

Bunkeri i Titos në Konjiç të Bosnjes

TIRANË- Ashtu siç në Shqipëri janë ndërtuar dy BunkArt-e, duke e shfrytëzuar trashëgiminë komuniste të vendstrehimeve të nëndhshme gjatë Luftës së Ftohtë për qëllime turistike, edhe në Bosnjë po ndiqet e njëjta praktike me atë që konsiderohet ndër bunkerët më të mëdhenj bërthamorë në Europë.

Fjala është për bunkerin e Titos në Konjiç të Bosnjes, një nga sekretet më të rrepta ushtarake të ish-Jugosllavisë, ndërtimi i të cilit kushtoi 4.6 miliardë dollarë amerikanë.

Është një objekt ushtarak i Komandës së Luftës së Ushtrisë (ARK) i koduar “Stamboll”, i quajtur më vonë “Komanda e Luftës Atomike”, dhe i njohur gjerësisht si “Bunkeri i Titos”, i cili u ndërtua në fshehtësi të plotë për 26 vjet, nga 1953 deri në 1979, i fshehur në malin Zlatar. 

Duke parë nga jashtë, duken vetëm tre shtëpi të zakonshme të rrethuara nga natyra. Megjithatë, ato shtëpi fshihnin një sekret për objektin më të madh ushtarak, i treti më i rëndësishëm në ish-Jugosllavi.

Në rast të sulmit bërthamor, bunkeri ishte gati të priste 350 persona nga udhëheqja më e lartë ushtarake dhe politike e ish-Jugosllavisë. Ata mund të qëndronin atje për gjashtë muaj pa asnjë kontakt me botën e jashtme, sepse kishte gjithçka të nevojshme për një jetë normale.

Ekzistenca e një strehe të madhe atomike, një nga më të mëdhatë e këtij lloji në Evropë, publiku mësoi vetëm në vitin 2000. Në vitin 2017, ajo iu dorëzua Komunës së Konjiçit dhe sot shfrytëzohet si objekt turistik i destinuar për vizita nga turistë vendas dhe të huaj./TemA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet