Franca skeptike? Xhafaj-Gjonaj i “rrëmbejnë” Macron “vlerësime shumë inkurajuese”

Me rastin e Konferencës së Parisit mbi luftën kundër terrorizmit, ministri i Brendshëm Fatmir Xhafaj dhe ministrja e Drejtësisë Etilda Gjonaj, kanë pozuar bashkë me presidentin e Francës Emmanuel Macron.

Xhafa e falenderoi presidentin francez në Twitter, i cili sipas kreut të dikasterit të Rendit i kishte dhënë disa vlerësime shumë inkurajuese.

Macron u shpreh skeptik pak kohë më parë lidhur me zgjerimin e Bashkimit Evropian me shtetet e Ballkanit Perëndimor në periudhën afat-shkurtër.

LEXO EDHE:
‘Ukraina mund të bombardojë Rusinë me armë britanike’, Kremlini reagon ashpër për deklaratat e Cameron: Nxit përshkallëzimin e konfliktit

Komentet e tij të bëra pak kohë më parë, vijnë në një moment kur Shqipëria ka marrë rekomandimin pozitiv të Komisionit Evropian për të çelur bisedimet zyrtare të anëtarësimit me Bashkimin Evropian.

Por ky rekomandim do të kalojë në "sitën" e Këshillit të Ministrave të BE-së në fund të qershorit.

Gjatë vizitës së tij para dy ditësh në Gjermani, kryeministri Edi Rama mori një “OK” të kushtëzuar nga kancelarja Angela Merkel, e cila i la afat dy muajt e ardhhsëm për të vijuar më tej me reformat e ndërmarra.

Sot, Macron u duk buzagaz teksa pozonte krah dy ministrave shqiptarë.

Së shpejti, është parlajmëruar edhe një takim ndërmjet Xhafës dhe homologut të tij francez të Rendit, në Tiranë ose Paris, për të vlerësuar punën e bërë nga Shqipëtria në fushën e rendit dhe të sigurisë.

Ministri i Brendshëm Xhafaj shkruan në Tëitter pas takimeve në Francë:

Konferenca e Parisit mbi luftën kundër financimeve për terrorizmit "No Money for Terror", u përmbyll suksesshëm. Gjatë punimeve, pata një bisedë shumë të frytshme me homologun Collomb, me të cilin ndamë vlerësimet rreth çështjeve të axhendës së përbashkët.

Falënderim i veçantë për vlerësimet e shprehura prej tij në përfundim të fjalës sime, duke çmuar publikisht punën e Qeverisë shqiptare dhe të MB. Mirënjohje për mbështetjen që Franca dhe qeveria e saj i japin vendit tonë.

Mundësi dhe kënaqësi e jashtëzakonshme që pata rastin të shkëmbeja një përshëndetje të përzemërt me Presidentin Macron. Mirënjohje zoti President për vlerësimet tuaja shumë inkurajuese!.

Fatmir Xhafaj, ministër i Brendshëm

Emmanuel Macron dhe Fatmir Xhafaj

TAG:
• fatmir xhafaj
• etilda gjonaj
• Emmanuel Macron

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.9%

• Jo

  28.7%

• Nuk e di

  7.4%

Vota total: 1441

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di