POP 5

Lajmet më të lexuara të 5 minutave të fundit

Kronikë

Fshati Troshan në Lezhë i 'izoluar' nga mungesa e rrugës! Banorët: Do bojkotojmë zgjedhjet! Ndreu: Do ndërhyhet me buxhetin e ardhshëm (VIDEO)

Banorët e fshatit Troshan në Lezhë kërcënojnë me bojkot të zgjedhjeve, për shkak se ndër vite rruga e fshatit është ndërtuar vetëm në premtimet elektorale.  Kryebashkiaku Pjerin Ndreu  thotë se më buxhetin e vitit që vjen është planifikuar që të ndërhyhet në këtë rrugë.

Qindra banorë të fshatit Troshan përballen me vështirësi për të kaluar në rrugën përmes fshatit.

Ky segment rrugor që përshkon mes përmes fshatin është totalisht i amortizuar. Situata për banorët rëndohet edhë më shumë gjatë ditëve me shi, për shkak se gropat mbushen me ujë.

Ndonëse premtime elektorale janë bërë shumë, banorët thonë se kjo situatë vazhdon të jetë e njëjtë prej vitesh.

"Kam qenë në biçikletë dhe u rrëzova, rashë në gropë dhe u vrava",  shprehet një i mitur.

Banoret e Troshanit kërcënojnë me bojkot të zgjedhjeve nëse nuk do të ketë ndërhyrje.

"Kjo ka kohë që është e dëmtuar, për çdo palë zgjedhje na thonë do ta asfaltojmë, por nuk  bëjnë asgjë", tha një banor.  Ndërsa një tjeter shprehet se "në zgjedhje është vështirë të shkosh, se të majtë e të djathtë na kanë mashtruar, kur ske rrugë s'ke arsye të dalësh në votime".

Kryebashkiaku i Lezhës Pjerin Ndreu thotë se më buxhetin e vitit që vjen është planifikuar që të ndërhyhet në këtë rrugë dhe ndërtimin e dy urave në Troshan.

"Do të hyjmë në Troshan, do të bëjmë rrugën e Troshanit, dy ora dhe sheshin e fshatit Blinisht", tha Pjerin NDREU Kryetar i Bashkise Lezhe.

Në situatë të ngjashme janë shumë segmente rrugore në fshatrat e Bashkisë Lezhë, duke veshtiresuar jetesen e mijerave banoreve.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Votoni: 23/11/2020 11:40

    Jo me i blloku,por përkundrazi,duhet me ZGJEDH,e me votu Njeriun ma të ditun,ma të urtë e ma puntore,që e ka Katuni a Krahina!!!???

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkup/ Rikthehen mosmarrëveshjet për Ballkanin e Hapur

Shkup/ Rikthehen mosmarrëveshjet për Ballkanin e Hapur

24 Nëntor, 17:00