POP 5

Lajmet më të lexuara të 5 minutave të fundit

Ekonomi

Fondi Shqiptar i Zhvillimit shpall tre tendera për rikonstruksion rrugësh

Fondi Shqiptar i Zhvillimit ka shpallur tre tendera për rikonstruksion rrugësh, që pritet të sjellin zhvillim ekonomik të zonave përkatëse. Tenderët e hapura janë për akset rrugore Qafë Qelë – Koman, për Ersekë – Leskovik dhe për Përmet – Çarshovë.

TIRANË- Fondi Shqiptar i Zhvillimit ka hapur tre tendera për projektime dhe rikonstruksione rrugësh. Tenderi i parë më një fond limit 24 milionë e 853 mijë lekë është ai i aksit rrugor Qafë Qelë – Koman, ku kompanitë e interesuara mund të dorëzojnë ofertat deri më 13 mars 2020. Ky segment ka një gjatësi afërsisht 29 km dhe kalon në terren kryesisht kodrinor dhe malor. Projekti i rikonstruksionit do të synojë të përmirësojë cilësinë dhe sigurinë e lëvizjes. Sipas dokumenteve  bashkëngjitur tenderit kjo rrugë është në gjendje të amortizuar, e mbushur me gropa dhe pa mbrojtëse anësore.

Tenderi i dytë është projekti për rikonstruksionin e rrugës Ersekë - Leskovik, me fond limit 20 milionë e 35 mijë lekë pa TVSH. Kjo rrugë lidh qytetin e Ersekës me qytetin e Leskovikut duke qenë arterie kryesore lidhëse e Shqipërisë Juglindore nga Tepelena - Përmet - Kolonjë - Korçë në lëvizjen e mjeteve, banorëve, dhe mallrave.  Ky segment rrugor ka një gjatësi 42 km dhe aktualisht rruga ka qëndrueshmëri por në segmente të veçanta ka sinjalistikë shumë të dobët si dhe mungojnë mbrojtëset metalike në vendkalime të rrezikshme.

Ndërsa tenderi i tretë i hapur nga FSHZH, është për projektimin dhe rikonstruksionin e rrugës Përmet – Çarshovë, me fond limit 21.3 milionë lekë, dhe ofertat mund të dorëzohen deri në 13 mars 2020, dhe ka një gjatësi 27.5 km.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jani: 26/02/2020 20:40

    Permet-Çarshove 20 milion leke???!!!! As me mbushur gropat me çakull nuk dalin ato leke!!!Mos tallni menderen!!!

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

2 Nëntor, 15:05 nga Alban Daci