POP 5

Lajmet më të lexuara të 5 minutave të fundit

Ekonomi

Fullani, raport Kuvendit kundër
parashikimeve të Sali Berishës

Parashikimi i qeverisë për rritjen ekonomike ishte 3 %, Banka e raporton vetëm 1. 6%. Çmimet e shportës së mallrave të konsumit, çmimet për shërbimet shëndetësore dhe për arsim, çmimet për qira dhe telefoni celulare janë thuajse dyfishuar gjatë vitit 2012.
Fullani, raport Kuvendit kundër <br />parashikimeve të Sali Berishës
TIRANE - Çmimet e shportës së mallrave të konsumit, çmimet për shërbimet shëndetësore dhe për arsim, çmimet për qira dhe telefoni celulare janë thuajse dyfishuar gjatë vitit 2012. Indeksi i çmimeve të konsumit është rritur nga 1. 68 në 2. 43, indeksi arsimit është rritur nga 119. 9 në 123. 6 ndërsa indeksi për shëndetin është rritur nga 101. 78 në 103. 88. Shifrat janë pasqyruar në raportin vjetor të Bankës së Shqipërisë, i cili është dorëzuar në Kuvend. Në raportin prej 135 faqesh, i cili mban firmën e guvernatorit Ardian Fullani, janë analizuar të gjithë treguesit e ekonomisë për vitin e shkuar. Në analizën e prodhimit të brendshëm dhe kërkesës agregate Banka e Shqipërisë vëren se aktiviteti ekonomik gjatë vitit 2012 është rritur me ritme të ngadalta. Madje parashikimi i qeverisë për rritje ekonomike prej rreth 3 % është rrëzuar nga treguesit realë të ekonomisë, të cilët konfirmojnë një rritje vetëm 1. 6%. Po të krahasohet kjo shifër me vitin 2011, gjatë 2012 rritja ekonomike në Shqipëri është përgjysmuar. Sektorët të shënuan rënien më të ndjeshme sipas raportit të Bankës së Shqipërisë janë industria dhe ndërtimi. Në dy tremujorët e parë të vitit të shkuar sektori i industrisë ra me 1. 4 %, ndërsa sektori i ndërtimit shënoi një rënie prej 16. 9 % krahasuar me vitin 2011.

Investimet dhe shpenzimet

Kriza ekonomike ka goditur më rëndë sektorin privat dhe kryesisht investimet. Sipas Bankës së Shqipërisë aktiviteti i investimeve private vlerësohet të ketë qenë i ulët gjatë vitit 2012 dhe kjo dukuri reflektohet nga rënia e importit të makinerive dhe pajisjeve, tregues i cili ra me 16. 7 %. Ndërkohë investimet e huaja direkte ranë me 4. 9 % në terma realë vjetor. Në raportin e Bankës së Shqipërisë evidentohet se shpenzimet publike u reduktuan gjatë vitit të shkuar duke dhënë edhe efekte negative në rritjen ekonomike të vendit. Ndërkohë që shpenzimet operative të qeverisë janë rritur edhe pse me ritme të ulëta. Të ardhurat tatimore në buxhet janë ulur me 0. 9 %, ku kontributin më të madh negativ e ka dhënë mungesa e të ardhurave nga TVSH-ja.

Kreditimi

Gjatë vitit të shkuar kreditimi i ekonomisë ka qenë i ulët dhe i segmentuar. Kreditimi për ekonominë është ulur me 0. 6 % krahasuar me vitin 2011. Kredia për individët ka pasur një ecuri të dobët gjatë vitit 2012, kjo është norma më vogël në 10 vitet e fundit. Papunësia është rritur vitin e shkuar e për rrjedhojë kanë humbur vendin e punës 51 600 shqiptarë. Rritja e papunësisë është konfirmuar edhe në raportet periodike të Institutit të Statistikave, i cili ka pasqyruar trendin rritës të nivelit të papunësisë. Në raport analizohen disa prej treguesve kryesore të ekonomisë, siç është papunësia e cila në vitin 2008 ishte 12. 7 % dhe në vitin 2012 arriti në 13. 3 %, Prodhimi i Brendshëm me 7. 5 %, ndërsa në vitin 2012 vetëm me 1. 6 % dhe të ardhurat buxhetore, të cilat në vitin 2008 ishin 26. 7 % e GDP-së, në vitin 2012 ranë në 24. 4 % të prodhimit të brendshëm bruto.

Çmimet e shportës së mallrave të konsumit, çmimet për shërbimet shëndetësore dhe për arsim, çmimet për qira dhe telefoni celulare janë thuajse dyfishuar gjatë vitit 2012

*Marrë nga Shekulli Online

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Mero Baze: 700 cuba që duan t’u imponohen 700 mijë qytetarëve

Mero Baze: 700 cuba që duan t’u imponohen 700 mijë qytetarëve

26 Nëntor, 21:21 nga Mero Baze