FUSHE-KRUJE- Një sasi lëndë plasëse është vendosur mbrëmjen e djeshme në automjetin e punonjësit të burgut në Fushë-Krujë. Mësohet se shpërthimi i mjetit ka ndodhur rreth orës 02:00 të mëngjesit të sotëm, në momentin kur punonjësi i burgut Alfred Mema ishte në shërbim, ndërsa makina ndodhej e parkuar para burgut. Fatmirësisht në makinën tip “Golf 5” në momentin e shpërthimit nuk ndodhej njeri.
 
Ndërkaq, është arrestuar autori i dyshuar i ngjarjes, 24-vjeçari Jetmir Ziri, i cili mendohet ka vendosur lëndën eksploziv në automjetin e Memës.
 
Ngjarja dyshohet se ka ndodhur për shkak të detyrës, ndërsa mësohet se 24-vjeçari Ziri kishte konflikte me punonjësin e burgut të Fushë-Krujës.
 
24-vjeçari Ziri është shoqëruar në komisariat, ndërsa materialet do t’i kalojnë Prokurorisë së rrethit për hetime të mëtejshme.

Alfred Mema me logo

(Në Foto: Autori i cili vendosi eksplozivin në automjetin e Alfred Memës, Jetmir Ziri)

Redaksia Online
(e.s/shqiptarja.com)