POP 5

Lajmet më të lexuara të 5 minutave të fundit

Kronikë

Fushata e vaksinës për Covid-19, Ballkani Perëndimor ndihet i përjashtuar

Më 27 dhjetor të 2020, vaksinimi anti-COVID i qytetarëve ka nisur në BE me Pfizer.Të nesërmen, Komisioni Evropian miratoi një paketë  prej 70 milion eurosh për Ballkanin Perëndimor, duke ndihmuar shtetet e rajonit të vaksinojnë më të rrezikuarit.

Fushata e vaksinës për Covid-19, Ballkani Perëndimor ndihet i përjashtuar

vaksina anti-COVID

Më 27 dhjetor të 2020, vaksinimi anti-COVID i qytetarëve ka nisur në BE me Pfizer.

Të nesërmen, Komisioni Evropian miratoi një paketë  prej 70 milion eurosh për Ballkanin Perëndimor, duke ndihmuar shtetet e rajonit të vaksinojnë më të rrezikuarit.

Por nismat e unionit janë lënë në hije nga shqetësimet dhe pakënaqësitë e shumë vendeve në rajon, të cilat ndihen të lëna pas dore.

Teksa në Shqipëri dhe në Serbi vaksinimi për COVID-19 ka nisur vendet e tjera të Ballkanit ndihen ende të pasigurta për sa i përket marrjes së dozave të vaksinave.

Një nga zërat më kritikë për sa i përket pakënaqësive lidhur vaksinimin Ballkanin Perëndimor ishte ai i kryeministrit shqiptar Edi Rama

“BE na ftoi të investojmë ekskluzivisht në sistemin COVAX. Por nëse do të ndiqnim vetëm udhëzimet e Brukselit do të na duhej të prisnim për një kohë të pacaktuar” tha Rama më 11 janar, pasi mori dozën e parë të vaksinës Pfizer, pjesë e një donacioni.

Me gjithë kritikat e Ramës, Shqipëria – së bashku me Serbinë – është një nga dy vendet në Ballkanin Perëndimor që tashmë ka arritur të fillojë vaksinimin.

Në fillim të janarit, qeveria e Tiranës njoftoi arritjen e një marrëveshje për blerjen e 500.000 dozave të vaksinës Pfizer / BioNTech, nga të cilat 10.000 kanë mbërritur tashmë në vend. Megjithatë, Rama refuzoi t`ia bënte marrëveshjen publike duke përmendur “sekretin tregtar”. Fushata e vaksinimit do të përfshijë fillimisht rreth 23.000 punonjës në sektorin e kujdesit shëndetësor, së bashku me personat mbi 75 vjeç.

Por sipas mediave lokale, rruga e fushatës së vaksinimit do të jetë e gjatë: parashikimet më optimiste flasin për të paktën 14 muaj, ndoshta deri në 2 vite. Situata në Serbi është më dinamike. Beogradi nisi mënyrë simbolike vaksinimet që më 24 dhjetor, kur kryeministrja Ana Brnabic ishte ndër të parat që mori dozën e parë të vaksinës (Pfizer/BioNTech, dërgesa e parë 5.000 doza). Tashmë Serbia është i vetmi vend në Ballkan Pfizer, sputnik V, Sinopharm

Maqedonia e Veriut dhe Kosova janë dy vende të cilat kanë arritur një marrëveshje me Pfizer dhe pritet së shpejti të mbërrijnë në vend dozat e para të vaksinës. Shkupi ka njoftuar se ka siguruar 800.000 doza të kësaj vaksine deri në fundin e vitit 2021.

Më 6 janar, edhe Kosova deklaroi se i pret në shkurt vaksinat e para. Në total, Prishtina ka siguruar blerjen e 535.000 dozave të vaksinës Pfizer/BioNTech përmes një marrëveshje të drejtpërdrejtë me kompaninë farmaceutike, dhe 600.000 të tjera falë një marrëveshje dypalëshe me qeverinë austriake (plus 720.000 doza nga sistemi COVAX).

Ndërkohë që për Maqedoninë e Veriut dhe Kosovën ka ende shpresë për

Bosnjë Hercegovina dhe Mali i Zi, gjithë shpresat janë të veruara nga COVAX.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55