G20, Putin skeptik dhe i kënaqur

Gjatë konferencës për shtyp, në mbyllje të Samitit të 14 të G20-ës, Presidenti rus Vladimir Putin, duke iu përgjigjur pyetjeve të gazetarëve të interesuar, tha se në përgjithësi ishte skeptik për arritjet e Samitit. Për Putin, “gjithësesi marrëveshjet tregëtare globale nuk janë të këqia”

Putin foli gjithashtu për Liberalizmin duke e quajtur “ide të vjetëruar” dhe në konflikt me interesat e shumicës dërrmuese të popullsisë globale.

Ai e quajti të gabuar politikën e kancelares Merkel për emigracionin dhe tha se Trump, me ngritjen e murrit me Meksikën, “të paktën po provon ta ndalojë emigracionin”

Përsa i përket takimit me homologun amerikan Trump, presidenti rus, njoftoi se “Moska dhe Uashingtoni ngarkuan ministrat e tyre përkatës të Punëve të Jashtme për të nisur konsultimet për një zgjatje të traktatit bërthamor START”, por Putin nuk ishte i sigurt nëse ky proces “do të finalizohet me zgjatje të traktatit të kontrollit të armatimit bërthamor strategjik”.

Traktati dypalësh për reduktimin e armëve strategjike, i cili nuk është më i vlefshëm pas vitit 2021, ruan arsenalet bërthamore ruse dhe amerikane shumë më poshtë nivelit të Luftës së Ftohtë.

Në konferencë, presidenti rus foli dhe për promovimin e rolit të Organizatës Botërore të Tregtisë si një platformë universale për zgjidhjen e problemeve globale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i mjaftueshëm shpërblimi prej 5 mijë lekësh i festave të fundvitit për pensionistët?



×

Lajmi i fundit

John

Izraeli godet zonën portuale të Latakias në Siri