'Gabova unë', Gjimshiti kërkon falje për golin e Islandës! Reja: Nuk finalizojmë dot, duhet të merrnin më shumë

Kombëtarja shqiptare e ka nisur me një barazim fushatën eliminatore të Ligës së Kombeve. Kuqezinjtë 90 minutat kundër Islandës në Rekjeavik i mbyllën me shifrat 1-1 edhe pse kaluan të parët në avantazh me Taulant Seferin pas një këmbëngulje të gjatë.

Goli solli përgjumjen e kombëtares së drejtuar nga Reja dhe me fillimin e pjesës së dytë vendasit vendosën baraspeshën si pasojë edhe e një gabimi në mbrojtje. Gjithsesi kjo ishte hera e parë që Shqipëria del e pamposhtur nga ishulli, pasi më herët qoftë edhe një barazim nuk e kishte marrë.

Në përfundim të ndeshjes Berat Gjimshiti kërkoi falje për gabimin në mbrojtje, ndërsa trajneri Reja u shpreh:

“Në pjesën e dytë kishte një “black out” total. Kur je në avantazh, duhet të mbahesh më mirë dhe të tregohesh agresiv. Kemi vështirësi për të konkretizuar dhe kjo dhemb, pasi për fat të keq janë ndeshje ku me pak më shumë vëmendje mund të marrësh rezultat. Mund të bënim më shumë,"-u shpreh Edy Reja, trajner i kombëtares.

Me këtë barazim Shqipëri renditet e treta në grup, me 1 pikë po aq sa Izreali i vendit të dytë, ndërsa Islanda udhëheq pas 2 barazimeve, por ka zhvilluar një ndeshje më shumë. Sfida e rradhës për kuqezinjtë është kundër Izrealit më 10 qershor në Air Albania. Deri më tani ka patur një interes të lartë nga tifozët, pasi janë shitur rreth 10 mijë bileta. Çmimi i tyre varion nga 750 lekë, deri në 10 mijë lek në tribunën vip.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

PS paralajmëron ndryshime në shtator: Absurde si një sekretar partie i shpallur non grata përdhos institucionin e Kuvendit

PS paralajmëron ndryshime në shtator: Absurde si një sekretar partie i shpallur non grata përdhos institucionin e Kuvendit