Ekonomi

Gati amendamenti për rivlerësimin e 40 mijë banesave, Denaj: Buxheti do të përfitojë nga rivlerësimi 4 miliardë lekë (VIDEO)

40 mijë pasuri të paluajtshme do të rivlerësohen në vitin e ardhshëm. Qeveria po bën gati amendamentin për ta depozituar shumë shpejt në Kuvend. Ministrja e Financave Anila Denaj tha në komisionin e Ekonomisë se nga ky rivlerësim buxheti do të përfitojë 4 miliardë lekë. Po ashtu në komision është zbuluar se vitin e ardhshëm qeveria do të marrë përsëri borxh në tregjet ndërkombëtare.

Redaksia 14 Nëntor 2019, 13:27 | Përditesimi: 14 Nëntor 2019, 14:51

Rreth 40 mijë banesa do të rivlerësohen përsëri, për vlerën e tyre. Ky është amendamentin i ri që po përgatit qeveria dhe që shumë shpejt do të jetë në Kuvend. Ky fakt është bërë i ditur nga Ministrja e Financave Anila Denaj, në Komisionin e Ekonomisë dhe që sipas saj do të përfitojë buxheti i shtetit 4 miliardë lekë.

"Qeveria gati amendamentin e ri. Do të rivlerësohen 40 mijë pasuri të paluajtshme. Do të rivlerësohen shtëpitë dhe do të sjellin 4 miliardë lekë më shumë në buxhetin e shtetit." tha Denaj.

Po ashtu në komision është zbuluar edhe një detaj tjetër që do të ndodh në vitin e ardhshëm. Në maj të 2020 qeveria do të marrë një eurobond të ri, që sipas ish ministrit të Financave Arben Ahmetaj do të jetë rreth 62 deri në 65 miliardë lekë.

LEXO EDHE:
Më shumë të ardhura sesa shpenzime! Suficiti për 11-mujorin arrin në 72 miliardë lekë

"Kemi nisur punën për të marrë eurobondin e ri, mendojmë të dalim në muajin maj 2020 të dalim në treg për marrjen e një eurobondi të ri. Efekt pozitiv do të sjell edhe fiskalizimi në nivelin e 9.5% ose 2 miliardë lekë më shumë në buxhet." tha Denaj.

" Planifikimi i vitit të ardhshëm flet për ripagimin e 83 miliardë lekë për detyrimet. Ndërkohë me këtë nivel që do të paguani ju duhet të merrni rreth 62 deri në 65 miliardë lekë eurobond apo borxh të ri në tregjet ndërkombëtare. A nuk cënohen interesat ë brendshme tonat." tha Ahmetaj.

Ministrja Denaj teksa i përgjigjej pyetjeve të anëtarëve të komisionit ka shpalosur edhe shifrat konkrete se sa përfitojnë qytetarët nga ky buxhet teksa sqaroi dhe një herë se s’ka rritje pagash.

"Ky shqetësim është adresuar dhe jemi shumë optimist për eurobondin." u përgjigj Denaj.

Ndërkohë në Ministria e Financave ka theksuar se ende nuk është vendosur nëse do të ketë shpërblim për pensionistët në fundvit, por që deri në muajin dhjetor do të jetë marrë vendimi përfundimtar.

"Përfitojnë nga 600 euro në vit secili ose 12.7 euro më shumë se ky vit." tha Denaj.

Lajmi kryesor: