Pasi reduktoi të mërkurën sërish dërgesat e gazit përmes Nord Stream 1 kompania ruse e energjisë Gazprom ndërpreu furnizimin me gaz për Letoninë.
Këtë veprim kompania e justifikoi me një postim në shërbimin Telegram me "shkelje të kushteve për tërheqjen e gazit”, por pa dhënë detaje. Sipas informacioneve të mëparshme qeveria letoneze kishte deklaruar se donte të bëhej e pavarur nga gazi rus deri në vitin 2023.
Pas pushtimit rus të Ukrainës Gazpromi e ka ndërprerë furnizimin me gaz natyror për disa vende të BE-së, ndër to edhe për Poloninë dhe Bullgarinë. Edhe pse kontratat ekzistuese ishin kryesisht në euro ose dollarë, si shkak u dha se këto vende nuk ishin të gatshme të paguanin në rubla, siç ka kërkuar shefi i Kremlinit, Vladimir Putin, në përgjigje të sanksioneve perëndimore. Kohët e fundit Gazpromi ka kufizuar gjithashtu në shkallë të madhe edhe dërgesat e gazit për në Gjermani.
Gazprom: Problemet me turbinat vazhdojnë
Kompania shtetërore ruse u ankua se kishte ende probleme me një turbinë me gaz që ishte kthyer pas riparimeve në Kanadaja. Pa konsultim dhe në kundërshtim me kontratën me Gazprom, kjo turbinë u çua në Gjermani dhe jo drejtpërdrejt në Rusi, shpjegoi nënkryetari i kompanisë shtetërore, Vitaly Markelov. Dhe Rusia mund ta pranojë turbinën vetëm nëse ka garanci nga BE dhe Britania e Madhe se sanksionet perëndimore nuk do të zbatohen.
Po ashtu Gazpromi i ka raportuar partnerit kontraktual Siemens Energy për probleme me tri turbina të tjera, të cilat duhet të riparohen në terren nga ekspertët e tyre. "Ne presim me padurim ardhjen e specialistëve të tyre në stacionin e kompresorit”, tha Markelow. Në stacionin e kompresorit të gazit, i cili është i rëndësishëm për gazsjellësin Nord Stream 1, aktualisht është në përdorim vetëm një nga gjashtë turbinat.
Kurse Siemens Energy tha se aktualisht nuk kishte qasje në turbina dhe se kompania nuk kishte marrë asnjë raport për dëme. Pas një ndërprerjeje të planifikuar për mirëmbajtje, Gazprom i reduktoi të mërkurën sërish dërgesat e gazit përmes Nord Stream 1 në 20 për qind të kapacitetit maksimal. Si arsye u dhanë rregulloret e sigurisë. Qeveria gjermane e akuzon Rusinë se po luan një lojë force në këtë çështje./DW
Komente
Lajme të tjera
-
BE-ja kërkon mundësi ligjore për të ndaluar importin e gazit rus
28 Mars 2023, 19:56 -
Tregu evropian pa gazin nga Rusia
1 Mars 2023, 08:13 -
Bojkoti i naftës ruse dhe efektet për BE-në
6 Shkurt 2023, 08:07 -
Vladimir Putin ndryshon qëndrim! Rusia lejon vendet ‘jomiqësore’ të paguajnë borxhin për gazin me valuta të huaja
31 Dhjetor 2022, 15:20 -
Letonia planifikon të heqë gjuhën ruse nga lëndët shkollore
21 Nëntor 2022, 17:30 -
Ndalon rrjedhja e gazit në Nord Stream! Furnizimi mund të rifillojë së shpejti,në një linjë të vetme
4 Tetor 2022, 08:25 -
Shpërthimet e Nord Stream, eksperti në Report Tv: Gjermania ka dëmin më të madh, por asnjë shtet s’përjashtohet! Të jemi të ndërgjegjshëm për energji
29 Shtator 2022, 13:10 -
Shpërthimet në Nord Stream, inteligjenca e BE-së: Anijet ruse ishin në afërsi të tubacioneve
29 Shtator 2022, 08:59 -
‘Lufta energjetike’, media gjermane: Nord Stream mund të ndalë përgjithmonë pas atentatit! 'The Times': Sulm i ardhur nga drone ruse (VIDEO)
28 Shtator 2022, 21:13 -
Gjermania jep 65 miliardë euro për të mbrojtur bizneset nga rritja e inflacionit
4 Shtator 2022, 18:38 -
Lufta në Ukrainë, furnizimet me gaz nga Nord Stream në BE janë ndërprerë plotësisht! Zelensky paralajmëron rusët: Dorëzohuni
31 Gusht 2022, 07:37 -
Kancelari gjerman fajëson Rusinë për reduktimin e dërgesave të gazit përmes Nord Stream 1
4 Gusht 2022, 10:37
Rusia po ju dergon te pakten 20 % te gazit kurse po ta kishin ne dore keta te Europes nuk do ti dergonin asnje lt gas , dalin dhe bejne moral kurse per ceten e tyre jane plera te pashembullt
Përgjigju