POP 5

Lajmet më të lexuara të 5 minutave të fundit

Kronikë

Gjatë 24 orëve të fundit, 12 vatra
zjarri aktive në të gjithë vendin

Vetëm për 24 orë janë shënuar 12 vatra zjarri në gjithë vendin. Vatrat janë konstatuar në Shkodër, Tiranë, Durrës, Elbasan, Korçë, Berat, Lezhë dhe Fier. Për të shuar flakët janë angazhuar mbi 50 zjarrëfikës me 14 automjete dhe 13 forca vullnetare dhe helikopterë.
Vetëm për 24 orë janë shënuar 12 vatra zjarri në gjithë vendin. Vatrat janë konstatuar në Shkodër, Tiranë, Durrës, Elbasan, Korçë, Berat, Lezhë dhe Fier.

Për të shuar flakët janë angazhuar mbi 50 zjarrëfikës me 14 automjete dhe 13 forca vullnetare dhe helikopterë.

Situata në gjithë vendin është nën monitorimin dhe kontrollin e Emergjencave Civile, ku drejtoria e Emergjencave Civile u ka bërë thirrje gjithë qytetarëve që nëse konstatojnë zjarre, të njoftojnë menjëherë në numrat e emergjencave 112, 129 dhe 128.

Situata e zjarreve në rang vendi:
 
QARKU TIRANË
Në vendin e quajtur “Mali i Derjes”, mbrapa antenave të telefonisë celulare në malin e Dajtit, ra një zjarr masiv në një pyll me pisha. Përveç angazhimit të specialistëve zjarrfikës, u dërgua dhe një helikopter i cili arriti të shuante zjarrin pas disa orësh.
Në rrugën “Sulejman Delvina”, Tiranë, ra zjarr në banesën e një shtetasi. Pas ndërhyrjes së shërbimit zjarrfikës, flakët janë shuar. U dogjën disa orendi shtëpiake.
 
QARKU ELBASAN
Në fshatin Hajdaran, bashkia Elbasan, ka rënë zjarr në banesën e një shtetasje. Zjarrfikësit kanë ndërhyrë duke shuar zjarrin. Si pasojë e zjarrit u dogj pjesërisht dhoma e gjumit por nuk pati njerëz të lënduar.
Në fshatin Kusarth, bashkia Elbasan, ka rënë zjarr në një sipërfaqe me hamullorë dhe ullishte. Zjarrfikësit kanë ndërhyrë duke shuar zjarrin. Si pasojë u dogj një sipërfaqe rreth 1 ha hamullorë dhe u dëmtuan rreth 13 rrënjë ullinj.
Në fshatin Shumrizë, bashkia Gramsh, ka rënë zjarr në magazinën e një shtetasi. Zjarrfikësit kanë arritur ta shuajnë zjarrin. Nga zjarri nuk pati njerëz të lënduar.
 
QARKU SHKODËR
Në fshatin Koplik i Sipërm, bashkia Malësi e Madhe, ka rënë zjarr në një sipërfaqe me shkurre, hamullore dhe bimë medicinale. Zjarri është shuar vetëm pas ndërhyrjes së zjarrfikësve. U dogj një sipërfaqe rreth 1 ha shkurre, hamullore dhe 1 dynym bimë medicinale sherebel në pronësi të një shtetasi.
 
QARKU DURRËS
Në fshatin Zgërdhesh, të bashkisë Krujë, ka rënë zjarr në një sipërfaqe me shkurre. Zjarrfikësit kanë ndërhyrë dhe pas një pune të gjatë, për shkak të terrenit të vështirë, kanë shuar zjarrin. Si pasojë e zjarrit u dogj një sipërfaqe rreth 4 ha me shkurre.
 
QARKU FIER
Në fshatin Frakull e Madhe, ka rënë zjarr në një sipërfaqe me shkurre dhe ullinj. Forcat zjarrfikëse kanë ndërhyrë me mjete dhe personel, të cilët kanë shuar zjarrin. Si pasojë u dogj një sipërfaqe rreth 2 dynym me shkurre dhe 20 rrënjë ullinj.
 
QARKU BERAT
Në fshatin Moravë, bashkia Berat, ka rënë zjarr në banesën e një shtetasi. Ndërhyrja e zjarfikësve bvëri të mundur shuarjen e flakëve. Nga zjarri u dogjën disa pajisje dhe orendi të shtëpisë.
 
QARKU KORÇË
Në fshatin Podgorie, bashkia Maliq, ka rënë zjarr në 2 banesa të pa banuara. Zjarrfikësit kanë ndërhyrë duke shuar zjarrin. Si pasojë e flakëve njëra nga banesat u dogj plotësisht, kurse tjetra pjesërisht.
 
QARKU LEZHË
Në fshatin Shullaz, bashkia Kurbin, ra zjarr në një ndërtesë të pabanuar në pronësi të një shtetasi. Specialistët zjarrfikës kanë ndërhyrë dhe kanë shuar zjarrin.

Redaksia Online 
E.S/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35