POP 5

Lajmet më të lexuara të 5 minutave të fundit

Ekonomi

Gjatë vitit 2021 çmimet e apartamenteve u rritën me 6.7%, Autoriteti i Konkurrencës për Report Tv: Nisim studim tregu këtë vit

Çmimet e larta të apartamenteve do të vënë në lëvizje Autoritetin e Konkurrencës i cili bën të ditur për Report TV, që brenda këtij viti do të nis një studim mbi tregun e pasurive të paluajtshme. Studimi i konkurrencës do të bazohet mbi faktorët që kanë sjellë këtë shtrenjtim, dhe do punohet për të parë nëse ka abuzime apo çmime fiktive nga ndërtuesit.

 Autoriteti i Konkurrencës do të kryej një studim mbi tregun e pasurive të paluajtshme, për shkak të rritjes së çmimeve të qirave dhe të shitjeve. Në një përgjigje zyrtare për Report TV, Autoriteti i Konkurrencës, pohon se gjatë këtij viti do të kryej një studim mbi faktorët që kanë sjellë këtë shtrenjtim, dhe për të parë nëse ka vend për të nisur një hetim për abuzime dhe çmime fiktive nga ndërtuesit.

Kjo lëvizje e konkurrencës vjen në kushtet kur çmimet e apartamenteve vijojnë të rriten prej vitit 2015, dhe pritshmëritë e agjencive imobiliare dhe Bankës së Shqipërisë janë për vijimin e shtrenjtimit edhe për vitet e ardhshme.

Çmimet në rritje nuk po i ndalon as nga bumi i ndërtimeve që ka përfshirë vendin. Vetëm në 5 vitet e fundit janë dhënë 5.563 leje ndërtimi në të gjithë vendin, por ndërtimet e reja vijojnë të kushtojnë çdo vit e më shumë.

Aktualisht çmimet e qirave në zonat urbane janë mbi 400 euro, ndërsa në periferi të qytetit varjojnë edhe poshtë kësaj vlere. Sa i takon shitjeve, çmimi për metër katror në qendër arrin deri në 4000 euro, ndërsa në zonat përreth në vlerat 1000-1200 euro. Kurse në periferi të Tiranës 1 metër katror mund të kushtoj 700-800 euro.

Sipas Bankës së Shqipërisë deri në qershor të 2021, çmimet e banesave u rritën me 6.7% në rang vendi krahasuar me gjashtëmujorin e parë të vitit 2020. Në këto kushte ku çmimet rriten pavarësisht fluksit të ndërtimeve, dyshimet bien mbi përdorimin e parave të pista në sektor.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça