POP 5

Lajmet më të lexuara të 5 minutave të fundit

Ekonomi

Gjermanët: Shqipëria vendi
më pak tërheqës për investime

Dhomat gjermane të Tregtisë në vende të Evropës Lindore e Qendrore kanë anketuar gjatë muajit mars mbi 1.600 anëtarë të tyre, firma gjermane që kanë investuar. Shqipëria ka dalë e fundit në listë sa u përket kushteve për thithjen e investimeve.
Gjermanët: Shqipëria vendi<br />më pak tërheqës për investime
TIRANE - Biznesi gjerman shprehet i zhgënjyer nga realiteti shqiptar lidhur me kushtet që krijon shteti për investitorët. Shqipëria rezultoi e fundit ndër 20 vendet e Europës Qendrore dhe Lindore për të bërë biznes. Dhomat e Tregtisë Gjermane në të gjitha këto shtete kanë anketuar gjatë muajit mars mbi 1.600 anëtarë të tyre që kryesisht janë firma gjermane që kanë investuar atje.

Vendi ynë mbetet mbrapa Maqedonisë, Serbisë e madje edhe Kosovës, duke mbetur kështu si destinacioni “më pak i preferuar” për investime të huaja. Kompanitë që operojnë në Shqipëri vlerësojnë se në vendin tonë gjatë 2013-ës ka një përkeqësim të situatës së brendshme ekonomike. Në vitin 2011, 67% e të anketuarve e cilësuan situatën si pozitive, në vitin 2012 vetëm 42% e tyre dhe në vitin 2013 ky vlerësim ka rënë në 24%.

Në vlerësimin e kushteve të vendit si destinacion investimesh, kompanitë e pyetura vazhdojnë të shohin nevojën për përmirësim të dukshëm. Rezultatin më të keq e merr faktori “Korrupsioni dhe kriminaliteti”. 55% e të anketuarve shprehen se janë shumë të pakënaqur me luftën ndaj korrupsionit dhe kriminalitetit.

52% e kompanive të pyetura janë të pakënaqura me administratën Publike dhe kërkojnë që procedurat në administratën publike të jenë më transparente. 48 % janë të pakënaqur me parashikueshmërinë e politikave ekonomike.

Në këto kushte edhe nismat e qeverisë për të ulur taksat për biznesit, kryesisht taksa e sheshtë, duket se nuk po japin asnjë efeket tek bizneset. “Ne po shohim se taksa e sheshtë nuk është realisht 10%, por shumë më tepër “, tha Andrea Gebbeken, presidente e Dhomës Gjermane.

Drejtuesit e Dhomës theksuan: “Në qoftë se Shqipëria dëshiron të ketë investitorë të huaj, duhet të punojë me të gjithë kushtet e përmendura më sipër. Në mënyrë të veçantë duhet që ligjet shqiptare të respektohen nga të gjitha palët. Vetëm në këtë mënyrë mund të shfrytëzohen potencialet e vendit nga kompanitë vendase dhe të huaja”.

Shkrimi u botua sot në gazetën shqiptarja.com (print) 09.04.2013

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Mero Baze: 700 cuba që duan t’u imponohen 700 mijë qytetarëve

Mero Baze: 700 cuba që duan t’u imponohen 700 mijë qytetarëve

26 Nëntor, 21:21 nga Mero Baze