POP 5

Lajmet më të lexuara të 5 minutave të fundit

Politikë

Gjiknuri me banorët e Zvërnecit: Opozita bën politikën e korbave, por erdhi në pushtet do sjellë regres! Dje thonin pse s’ka vaksina, sot pse i keni kineze (VIDEO)

Drejtuesi politik i Partisë Socialiste për Qarkun e Vlorës Damian Gjiknuri, zhvilloi një takim me banorët e Zvërnecit u ndal te fushata e vaksinimit duke e cilësuar një sukses të qeverisë ndërsa kritikoi opozitën për qëndrimet e saj publike. Gjiknuri paralajmëroi banorët për rrezikun e ngecjes së investimeve nëse në pushtet vjen opozita duke thënë se ajo bën politikën e korbave dhe se po erdhi në pushtet do të sjellë regres të të gjithëve punëve të nisura.

Drejtuesi politik i Partisë Socialiste për Qarkun e Vlorës Damian Gjiknuri, zhvilloi një takim me banorët e Zvërnecit u ndal te fushata e vaksinimit duke e cilësuar një sukses të qeverisë ndërsa kritikoi opozitën për qëndrimet e saj publike. Gjiknuri shprehet se opozita fillimisht ankohej se pse nuk kishte vaksina, e sot kur qeveria i siguron dalin e ankohen se pse janë kineze.

“Shikoni çfarë thonë tani, thonë pse mori Edi Rama vaksina kineze. Deri dje thonin pse s'ka vaksina, tani thonë po pse i ka kineze. Këta janë politika e korbave, mundësisht duan që populli të vuajë e të vdesë, mjafton që  këta të thonë e ka fajin qeveria! Edi Rama ka bërë më shumë se sa mund të bënte një tjetër. Për vaksinat ju e shikoni se ka shumë shtete të tjera që akoma nuk i kanë siguruar. Kjo është një arritje në një kohë krize, si mund t'ia mohojmë ne këtë?”, u shpreh Gjiknuri. 

Më tej ai paralajmëroi banorët për rrezikun e ngecjes së investimeve nëse në pushtet vjen opozita duke thënë se ajo bën politikën e korbave dhe se po erdhi në pushtet do të sjellë regres të të gjithëve punëve të nisura.

“Në Vlorë bëri punë dhe po bën punë vetëm Edi Rama. Po erdhi në pushtet Partia Demokrtike, gjithçka e nisur do të kthehet në regres, do të kthehemi në kohën kur Vlora ishte lënë në harresë. Projekti madhor i aeroportit të Vlorës do të sjellë investime të shumta duke nxitur sektorin e punësimit për të gjithë të rinjtë dhe të rejat. Trashëguam një situatë të lënë në mëshirë të fatit edhe në drejtim të legalizimeve ndërsa tanimë jemi në rrugë të mbarë duke i kthyer pronën kujdo konform ligjit”, sqaroi Gjiknuri. 

Duke ju referuar dy mandateve të para, Gjiknuri pohoi se janë fakte të pamohueshme të gjitha investimet rrënjësorë që i kthyen Vlorës identitetin, ndërsa theksoi se ky mandat i tretë qeverisës për Partinë Socialiste është mandati ku synohet të shtrihen investimet në zona rurale, me vëmendje të veçantë në infrastrukturë.

 “Kryeministri Rama e mbajti premtimin duke e transformuar tërësisht Vlorën. I dhamë rezultatet e para të qeverisjes me qytetarët dhe për qytetarët, tani me të drejtë kërkojmë mandatin e tretë, për të vijuar gjithçka të nisur, në mënyrë që treni i zhvillimit të mos kthehet pas. Ky tren rrezikon të kthehet mbrapsht nga ata që tani kanë hapur thesin e premtimeve madhore, kur në fakt Vlorën nuk e kanë patur asnjëherë në vëmendje. Pasi vërtetuam me punë konkrete se ne jemi e vetmja alternativë që mendojmë dhe punojmë për njerëzit, e duam këtë mandat të tretë për t’i shtrirë projektet edhe në zonat rurale, në ato më periferike e për të implementuar atje projekte madhore njësoj siç bëmë me Vlorën”, theksoi Gjiknuri.

  Sipas tij, zona e Zvërnecit për vet potencialin turistik dhe ekonomik që ofron do të jetë në fokus të investimeve.

 “Ashtu siç u investua në drejtim të energjitikës është parashikuar dhe projekti i ujësjellësit që do t’i japë zgjidhje përfundimtare problemit të mungesës së ujit të pijshëm, një problematikë e mbartur ndër vite”, tha Gjiknuri.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30