POP 5

Lajmet më të lexuara të 5 minutave të fundit

Sport

Gjimshiti fiton derbin me Hysajn, Atalanta për Champions

Atalanta fiton me përmbysje 2-1 ndaj Napolit dhe arrin Milanin në zonën Champions. Berat Gjimshiti doli fitimtar në derbin ndaj Elseid Hysajt. Në Itali “luftohet” për Championsin pasi në garë janë 6 ekipe për dy vende. Ndërsa Çelsi është frenuar në barazim në Angli.

Gjimshiti fiton derbin me Hysajn, Atalanta për Champions

Berat Gjimshiti fiton derbin me Elseid Hysajn ndërsa Atalanta bën një goditje që mban aromë Championsi. Bergamaskët fituan me përmbysje 2-1 ndaj Napolit të vendit të dytë dhe kapin Milanin në kuotën e 56 pikëve në vend të pestë. Në ndeshjen e fundit të javës së 33-të Napoli e mbylli  pjesën e parë në avantazh me golin e Mertens ndërsa Atalanta përmbysi gjithçka në fraksionin e dytë.

Autorët e golave ishin Duvan Zapata dhe kroati Pasalic në një sezon që po kthehet si ëndërr për Atalantën. Gara për Championsin në Serinë A është më e hapur dhe më e bukur se kurrë.

Që nga Interi i vendit të tretë me 61 pikë e deri tek Lazio e vendit të 8-të me 52 pikë janë plot 6 skuadra në garë për dy vende në Championsin e ardhshëm.
“Luftë”  për një vend në Champions ka edhe në Premier League. Në ndeshjen e javës së 35-të Chelsea i Sarrit nuk shkoi dot më shumë se një barazim 2-2 me Burnley dhe humbi mundësinë të merrte vendin e tretë.

Në “Stamford Bridge” çdo gjë ndodhi në pjesën e parë me Burnley që mori avantazhin me Hendrick por më pas londinezët përmbysën gjithçka me golat e Kante dhe Higuain. Barnes barazoi dhe ky do ishte rezultati final i takimi. Chelsea mban vendin e katërt me 67 pikë por edhe Tottenham, Arsenal e Manchester United janë në garë të plotë. /Përgatiti Andi Kapxhiu/
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46