POP 5

Lajmet më të lexuara të 5 minutave të fundit

Kronikë

Lajme nga emisionet

Gjinekologu që realizoi 'mrekullinë' te COVID2: Nëna e intubuar gjatë lindjes, fëmija ishte në orët e fundit të mbijetesës! Kishte rrezikshmëri, por jeta triumfoi

Mjeku Obstetër-Gjinokolog, Rezart Ajazi ishte ‘heroi’ që bëri të mundur këtë mrekulli. Në një intervistë për Report Tv, gjinekologu Ajazi tha se ky ishte një rast i rëndë ku edhe vetë orët e jetës së bebit brenda barkut të nënë ishin të numëruara.

Pak ditë më parë në spitalin COVID 2 “Shefqet Ndroqi” erdhi në jetë një fëmijë nga një nënë e cila ndodhej e intubuar prej disa ditësh, dhe mbahej në jetë me tuba oksigjeni për shkak të agresivitetit të COVID-9. Mjeku Obstetër-Gjinokolog, Rezart Ajazi ishte ‘heroi’ që bëri të mundur këtë mrekulli. Në një intervistë për Report Tv, gjinekologu Ajazi tha se ky ishte një rast i rëndë ku edhe vetë orët e jetës së bebit brenda barkut të nënë ishin të numëruara. Ajazi tha se vështirësia më e madhe në këtë proces ishte se nëna ishte e intubuara, e pavetëdijshme dhe mbahej në jetë me oksigjen përmes tubave, ndërkohë që duhej ti nënshtrohej një operacioni lindje në sallat e Sanatoriumit, që nuk ishin të përshtatshme për këtë gjë. Ajazi tha se fatmirësisht fëmija erdhi në jetë shëndosh e mirë, ndërsa nëna vijon të jetë ende e intubuar në COVID2 por me parametra jetësor më të përmirësuara.

‘Shkuam ne tek rasti pasi na erdhi njoftimi nga COVID2 se pacientja ishte intubuar në javën e 36 të shtatzënisë dhe duhet të bëhej lindja e detyrueshme në sallat e operacionit të tyre të Sanatoriumit. Një grup mjekësh shkuam si staf të zgjidhin këtë rast, ku pacientja e intubuar u morr në sallën e operacionit dhe të zgjidhësh një lindje me operacion që nuk ishte aspak e zakonshme për sallatat e sanatoriumit. Vështirësia qëndron tek operimi dhe lindja nga një nënë që është e intubuar, me shenja oksigjenimi të ulët në organizëm ku dhe vetë fëmija është në rrezik. Madje në këtë rast duhet thënë se fëmija ishte në orët e fundit të mbijetesës brenda trupit të nënës. Pra veçantia ishte se realizohet një lindje tek një nënë e intubuar që edhe mund të cedente si rast, por që fatmirësisht nuk ndodhi asnjëra, foshnja është në maternitet i shëndetshëm, kurse nëna të trajtohet në sanatorium, ku vazhdon e intubuar por në parametra më të përmirësuar për sa i përket gjendjes në tërësi. Shpresojmë që nëna të shërohet dhe të afrohet me bebin sa më shpejtë”, tha gjinekologu Ajazi.

Mjeku Obstetër-Gjinekolog, Ajazi foli edhe për humbjen e jetës së nënës 28-vjeçare, e cila kishte sjellë në jetë fëmijën e saj të tretë rreth 2 javë më parë. Ajazi tha se nëna e cila humbi jetën e kishte lindur vetë fëmijën në maternitet dhe më pas kishte shkruar te COVID2 pasi virusi kishte shfaqur forma agresive duke i marrë dhe jetën në fund. Ai tha se kohët e fundit virusi po tregohet shumë agresiv me nënat shtatzëna dhe për këtë arsye ata duhet të tregojnë më shumë kujdes dhe të ushqehen mirë.

“Pasojat mbi shëndetin e këtij infeksioni do të kenë edhe këto përfundime dhe di të them se brenda kapacitet mjekësor për sa i përket protokollit dhe përkujdesjeve asistohen në maksimum, në rastin konkret pacientja ka lindur vete ka qenë ne fund të shtatzënisë. Është thirrur personeli nga COVID 2, është realizuar lindja e suksesshëm, pacientja është rikthyer ne sanatorium për trajtimin me COVID dhe pas me shumë 10 dite nga lindja pacientja ndërroi jete si pasojë e covid. Ka pasur raste edhe kur nenat covid kane qene te stabilizuar dhe kanë lindur. Kohët e fundit frekuenca mbi shtatzënat ka pasur një farë ashpërsie dhe mbrojtja do të jetë e madhe”, tha Ajazi

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lola: 11/02/2021 20:05

    ka dhe mjeke t mire

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu